Мотоцикли

Akrapovič Full Moon

Акрапович го претстави својот нов концепт на мотоцикл наречен „Full Moon“ на кастм-бајк шоуто во Бад Залцуфен, Германија.

Следете нè на:

 

akrapovic-fullmoon-4Akrapovič Full Moon Concept

Акрапович го претстави својот нов концепт на мотоцикл наречен „Full Moon“ на кастм-бајк шоуто во Бад Залцуфен, Германија.

Новиот концепт е направен во соработка со „Slovenian Dreamachine Motorcycles“, истата компанија со која Акрапович соработуваше во 2011 година кога го создадоа познатиот „Morsus“. Исто како и претходникот, новиот концепт е екстравагантен, мотор направен за промоција на брендот Акрапович.

Идејата зад концептот е продолжување на приказната која започна со Морсус, сепак „Full Moon“ има нов идентитет и карактеристики кои се различни од претходникот. Целта е да се остави публиката без здив, барем оние кои не биле доволно импресионирани од првиот модел, доколку воопшто имаше такви...

Идејата на дизајнерската куќа била да добијат мотор кој не може да се категоризира, мотор кој не припаѓа никаде, но истовремено припаѓа секаде, што го прави уникатен модел. Името на новиот концепт е добиено благодарение на огромното предно тркало со дијаметар од 30 инчи кое е целосно видливо па наликува на полна месечина. 

За изработката на овој концепт се потрошени 800 часа работа, во моторот е вграден „S&S Knucklehead“ агрегат со зафатнина од 1524cm3, кој дише преку два модификувани Акрапович издуви.

Дека се работи за технолошки напреден мотор не покажува само предното тркало кое има незабележани димензии. На моторот е вградена напредна хидраулика која му овозможува да стои во исправена положба кога ќе го паркирате, исто така управувањето е автоматизирано заради што и не се видливи никакви кабли на рачките.

Едноставно кажано, „Full Moon“ е мотор каков што не сте виделе до сега, и Акрапович е горд на тоа.

 

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.