MK мотоциклисти на меѓународни трки

Заврши првата рунда од БМУ Европскиот шампионат во мотокрос

Викендов на патеката Јаница во Грција се возеше првата рунда од БМУ Европскиот шампионат во мотокрос.

Следете нè на:

 

Викендов на патеката Јаница во Грција се возеше првата рунда од БМУ Европскиот шампионат во мотокрос.

До пред извесно време познат како Источно-Европски, за потоа да биде преименуван во Балкански, од оваа година истото натпреварување го носи името „БМУ Европски шампионат“.

17349777 10203211362041483 3144461720400428728 oИзвор: Фејсбук

На патеката во Грција имавме 11 претставници, од најавените 12, во Јаница не се појави само Јован Стојков заради повреда.

Во класата МХ1 убедлив со две победи беше Адријан Радута од Романија, втор беше Бугаринот Крастев Кристиан, а трет со едно четврто и едно трето место Гркот Пахеванис Димитриос. Во класата МХ1 не ги видовме Христијан Илиоски и Гоце Томовски, а честа на нашата земја ја бранеа Михаил Бајовски (МК Хамачи Екстрим), Васко Киров (МК Ноќни Волци) и Николоски Синиша (МК Александар).

Бајовски на крајот со доброто возење за прв пат во оваа класа на крајот го забележа 8-то место и прокнижи 25 бодови од првата рунда. Васко Киров се најде на 10-та позиција по двете извозени трки со 22 бода на своето конто, а Николоски Синиша на 11-та позиција со 20 бодови.

Во класата МХ2 ги следевме Христијан Станковиќ (МК Мотостарс)Дејан Маџиров и Ангел Ристов (МК Ноќни Волци)Драган Ванов и Виктор Караколев (МК Мото Велес). Во оваа класа на стартот се појавија 35 возачи, а најдобар успех забележа Христијан Станковиќ кој заврши на 25-та позиција во првата трка, за во втората да заврши на 12-та позиција.

Караколев Виктор финишираше на 27-та позиција на првата трка, а 24 на втората. Ангел Ристов беше 29-ти на првата трка, а 25 на втората. Ванов Драган заврши на 34-та позиција на првата трка, а 24 на втората. Дејан Маџиров остана без пласман.

Во класата MXV ги проследивме Борче Костов и Петрос Танусис (МК Ноќни Волци), како и Атанасиос Папаниколау (МК Мото Велес). Костов возеше одлично на првата трка но заради повреда не беше во можност да го повтори успехот во втората, сепак викендот го завшрува со 23 поени на своето конто. Возачот на Мото Велес беше нај успешен наш претставник во оваа класа, Папаниколау со две 8-ми места го заврши викендот со 26 поени. Петрос Танусис не настапи на втората трка, па мораше да се задоволи само со 9 бодови од првата рунда.

Следната трка од шампионатот се вози на 27-28 мај на патеката Крешево во Босна и Херцеговина.

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.