MK мотоциклисти на меѓународни трки

Започнуваат Балканските шампионати во супермото и брзински мотоциклизам

Пет македонски натпреварувачи викендов ќе започнат со трките од Балканските шампионати во супермото и брзински мотоциклизам.

Следете нè на:

 

Викендов на патеката Долна Митрополија во Плевен (Бугарија) ќе се возат првите трки од шампионатот во брзински мотоциклизам и шампионатот во супермото.

Вкупно 5 македонски натпреварувачи ќе настапат во Бугарија, тројца во брзински мотоциклизам и двајца во супермото.

4.1Патеката за супермото Долна Митрополија во Плевен, Бугарија

Во брзински мотоциклизам ќе имаме претставници во три класи, Христијан Бузалковски (МК Мотори) ќе не претставува во класата до 125цц, во класата F600 ќе вози Игор Спиров - Зизи (МК Гого), а во класата F1000 ќе го проследиме Слободан Ивчески - Цобо (МК Сакамото).

Бузалковски најави дека ќе атакува на првата позиција во неговата класа, од Игор Спиров се очекува да го подобри минатогодишниот резултат, а посакуваме Слободан Ивчески да го видиме во вистинското светло и да го прикаже возењето за кое е способен.

Во супермото шампионатот двајцата наши претставници ќе возат во класата SM3, Јове Иванов и Александар Давчевски настапуваа за мото клубот Мото Велес. Конкуренцијата во класата до 125цц во супермото е голема, па успешното завршување на трката за двајцата наши возачи ќе биде од големо искуство за понатамошните трки.

Претставниците на МФМ во Бугарија ги очекува интересен викенд, многу учесници и патека која не е во најдобра состојба, а најавите за дожд дополнително ќе ја отежнат ситуацијата. Сепак се надеваме дека нашите претставници ќе имаат успешен викенд и во Бугарија ќе биде развеено нашето знаме на пиедесталот.

Нашата екипа ќе биде присутна на патеката во Плевен во текот на целиот викенд, очекувајте резултати и слики по завршувањето на трките.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.