MK мотоциклисти на меѓународни трки

Најава: Трета трка за Зизи во ИЕШ во Плевен

Патеката Долна Митрополија во Плевен (Бугарија) ќе биде домаќин на третата трка од Источно Европскиот шампионат во брзински мотоциклизам на која ќе настапи нашиот Игор Спиров - Зизи.

Следете нè на:

 

kraljevo-38Спиров последната подготовка ја имаше на трката од српскиот шампионат на патеката Краљево

Патеката Долна Митрополија во Плевен (Бугарија) ќе биде домаќин на третата трка од Источно Европскиот шампионат во брзински мотоциклизам на која ќе настапи нашиот Игор Спиров - Зизи.

Единствениот претставник од Македонија во Источно Европскиот шампионат во брзински мотоциклизам викендов ќе ја вози третата трка во сезоната. Игор Спиров кој настапува во класата SBKS600 во моментот е на петтата позиција во генералниот пласман.

Со оглед на тоа што во земјава нема трки со мотори, последна подготовка за Зизи беше трката од српскиот шампионат на патеката Краљево.

Тешко е да се натпреваруваш во Источно Европскиот шампионат без вистински подготовки па затоа ги користам сите можности кои ми се укажуваат како трката во Србија пред неколку недели. Дополнителен проблем е финансиската состојба кај нас и немањето на спонзори, а воопшто и климата во јавноста во која по медиумите малку се посветува внимание на мото спортот. Се надевам дека ваквата пракса ќе се промени и дека ќе го добиеме местото кое го заслужуваме. Се бориме за место на пиедесталот со минимални средства за разлика од колегите од соседните земји кои имаат поддршка од клубовите како и од спонзори кои инвестираат сериозни финансии во мото спортот. Со оглед на можностите се надевам на успешен финиш до крајот на сезоната, во зависност од тоа дали ќе се вози уште една трка во Серес според календарот кој беше објавен, би можел да атакувам на место од пиедесталот во генералниот пласман. Би сакал да им се заблагодарам и на сите кои на било кој начин ме помагаат, нивната поддршка навистина ми значи.- изјави Спиров

Во генералниот пласман по две извозени трки Спиров има 23 бода, еден бод помалку од Павел Драганов (Бугарија). На третата позиција е Далибор Милетич (Србија) со 28, а на втората е Спас Панев со 29 бода. Водечки во моментот е Бугаринот Пламен Петров кој забележа две победи на двете трки до сега.

По трката која викендов се вози во Плевен, остануваат уште две трки во календарот, една во Србија која требаше да се вози на патеката Батајница, а за која во моментов сеуште нема алтернативна патека, како и последната трка во Серес за која исто така е неизвесно дали ќе се вози заради состојбата на асвалтот на патеката.

 

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.