MK мотоциклисти на меѓународни трки

ИЕШ: Започнува сезоната за шампионатот во брзински мотоциклизам

Мотоциклистичката Федерација на Македонија ќе биде претставувана од 5 возачи во 2 класи. Во класата до 125цм3 (SP Junior) ќе настапуваат Аргетим Рамадани (МК Мотори), Христијан Бузалковски (МК Мотори) и Марин Сугарев (МК Мото Велес). Во класата до 600цм3 (SBKS600) ќе настапат Игор Спиров - Зизи (МК Гого) и Слободан Ивчески - Цобо (МК Сакамото).

Следете нè на:

 

Македонските натпреварувачи во ИЕШ во 2014 година

Источно Европскиот шампионат во брзински мотоциклизам започнува викендов со првите трки кои се возат на патеката Серес во Грција. Според календарот предвидени се вкупно 7 трки, а првите две ќе се возат една по друга, на 18 и 19-ти април. Потоа натпреварувачите ќе возат во Србија на патеката Батајница која се враќа во календарот, по што следуваат две трки на Плевен во Бугарија. Во календарот за 2015 предвидено е да се вози трка и на новата патека во Романија, а шампионатот ќе заврши со последната трка во Плевен.

Календар на трки во ИЕШ (брзински мотоциклизам)
# Датум Патека Земја
Рунда 1 18 април 2015 Серес Грција
Рунда 2 19 април 2015 Серес Грција
Рунда 3 07 јуни 2015 Батајница Србија
Рунда 4 14 јуни 2015 Плевен Бугарија
Рунда 5 12 јули 2015 Плевен Бугарија
Рунда 6 23 август 2015 / Романија
Рунда 7 20 септември 2015 Плевен Бугарија

Мотоциклистичката Федерација на Македонија ќе биде претставувана од 5 возачи во 2 класи. Во класата до 125цм3 (SP Junior) ќе настапуваат Аргетим Рамадани (МК Мотори), Христијан Бузалковски (МК Мотори) и Марин Сугарев (МК Мото Велес). Во класата до 600цм3 (SBKS600) ќе настапат Игор Спиров - Зизи (МК Гого) и Слободан Ивчески - Цобо (МК Сакамото). За жал во класата до 1000цм3 нема да имаме претставник иако се шпекулираше дека Сашо Николов - Тумац повторно ќе го видиме на патеката.

Во класата „SP Junior“ минатата година Аргетим Рамадани го освои третото место во генералниот пласман, тој истакна дека годинава ќе атакува на првата позиција иако тоа нема да биде лесна задача. Во истата класа за прв пат на Источно Европскиот шампионат ќе имаме прилика да го гледаме и Христијан Бузалковски - Бузо, кој ќе се обиде на секој начин да го истакне својот потенцијал. Секако тука е и возачот на МК Мото Велес, повратникот во оваа класа Марин Сугарев кој веќе има забележителни резултати во овој шампионат и доволно искуство за самиот да се замеша во борбата за челните позиции. Не очекува навистина голема борба во оваа класа, се надеваме на одличен настап на нашите натпреварувачи и можеби конечно ќе видиме подиум на меѓународна трка исполнет со македонски знамиња.

Во класата „SBKS600“ Игор Спиров - Зизи ќе се обиде да го забележи најдобриот резултат до сега. Тој минатата година беше петти, во шампионат во кој се возеа само три трки на патеката Плевен во Бугарија, за годинава очекувањата се поголеми и се надеваме дека ќе го видиме на пиедесталот. Во оваа класа ќе имаме прилика да го следиме и Слободан Ивчески - Цобо кој е долгогодишен учесник во мото трките. Тој минатата сезона се натпреваруваше во Супермото, а последен пат на патеката за брзински мотоциклизам го забележавме во 2013 во класата SBKS1000. Искуството е на негова страна, мотоциклот е подготвен, па се надеваме дека ќе имаме прилика да се радуваме и на неговите успеси.

Момци среќно!

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.