MK мотоциклисти на меѓународни трки

Брзински мотоциклизам: Бузалковски и Ивчески отпатуваа за Романија

Викендов на патеката Аданката во Романија се вози втората рунда од БМУ Европскиот шампионат во мотоциклизам.

Следете нè на:

 

Христијан Бузалковски (МК Ендуро Тим - Водно Скопје) и Слободан Ивчески (МК Сакамото) се двајцата македонски возачи кои викендов ќе настапат на двојната трка во Романија.

БМУ Европскиот шампионат во брзински мотоциклизам започна на патеката Серез во Грција пред еден месец, а викендов на програмата е втората рунда во која повторни се возат две трки. На патеката долга 4129 метри правецот е со должина од 960 метри но се постигнуваат помали брзини отколку на Серез. Конфигурацијата на патеката и бројните свиоци не дозволуваат да се развијат поголеми брзини, а станува збор за навистина техничка патека.

Христијан Бузалковски

Бузалковски во првата рунда забележа победа и второ место во класата SP125, а во класата F600 по проблемите со мотоциклот на првата трка, остана без бодови од Грција. За жал и покрај сите напори тој не успеа да го оспособи мотоциклот па во Романија отпатува само со својата Априлија со која настапува во класата SP125. На денешните квалификации тој беше убедливо побрз од конкурентите, па оправдано се очекува негова доминација во Романија и враќање со нови два пехари.

Слободан Ивчески

Во класата F1000 актуелниот шампион Слободан Ивчески ќе има прилика да го поправи учиникот од првата рунда. Тој на патеката во Серез забележа едно седмо и едно четврто место. Патеката во Романија му е добро позната па се надеваме на подобар резултат, и покрај тоа што по денешните квалификации, утрешната трка ќе ја започне од седмата позиција. Ивчески е искусен возач кој сигурно ќе прикаже одлична трка.

На нашите возачи им посакуваме многу среќа викендов, следете не утре и задутре за повеќе информации и резултати од трките.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.