Корисни текстови

Прво возење по зимската пауза

Следува периодот во кој иако сеуште календарски трае зимата, температурите се искачуваат високо над нулата и тоа е доволна причина за оние кои не возеле цела зима да се провозат со својот мотоцикл.

Следете нè на:

 

sm-laЗа некои сезоната не завршува, но за многумина сега следуваат првите возења во сезоната

Покачувањето на температурите на воздухот за многумина е одлична прилика да се издуваат. Следува периодот во кој иако сеуште календарски трае зимата, температурите се искачуваат високо над нулата и тоа е доволна причина за оние кои не возеле цела зима да се провозат со својот мотоцикл.

За жал ова е период од годината во кој се случуваат многу сообраќајни незгоди. Првично, заради невниманието на возачите на автомобили кои не се свесни дека мотоциклистите се дел од сообраќајот (ги очекуваат само летно време), а секако тука се и лошите услови за возење, кои се далеку од она на што сме навикнати летно време.

Моторџиите кои возат низ целата година знаат дека асвалтот не „лепи“, знаат дека гумата нема шанси да се загрее, и затоа внимаваат значително повеќе отколку во летниот период. За оние кои се качуваат на мотор прв пат по зимската пауза најважно е да ги запомнат следните совети: - Колку и да се трудите гумите нема да се загреат

  • Асвалтот е ладен, без разлика што грее сонце.

  • Белите ленти на патот се двојно по лизгави отколку во летниот период.

  • Возачите на автомобили во Македонија не очекуваат мотори во сообраќајот пред летото, отворете „четири очи“.

  • Возете претпазливо, не сте се качиле на мотор неколку месеци па нормално е рефлексите да ви се намалени додека не влезете повторно во форма.

  • Не експериментирајте, и не правете егзибиции, наглото давање на гас може само да ве фрли од седиште.

  • Оставете доволно простор за кочење, запомнете дека асвалтот е ладен, гумите не се загреани, ви треба повеќе простор за кочење отколку што е вообичаено.

  • Навалувањето на моторот во кривини не треба да биде ни приближно на она што го правите во нормални услови.

  • Не возете покрај работ на коловозот. Ова посебно важи доколку возите надвор од градските средини, внимавајте на одрони од карпи, песок, како и ѓубре кое е насобрано по краевите.

Можеби ќе бидеме и здодевни, но ќе повториме, првите возења по зимската пауза треба да ги направите со големо внимание. Не заборавајте, возите за вас, а не за да бидете видени, однесувајте се така и почитувајте ги сообраќајните правила и прописи.

За крај, возењето на мотор без кацига и соодветна опрема е исто како и скокањето од авион без падобран, Ве молиме, не правете го тоа.

 

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.