Домашни

По изминати 20.000км: Се држиме до позитивноста на идејата да го гушнеме Светот

Силве и Тони се на пат околу Светот, веќе поминаа 20.000 километри и со нас ги споделуваат првите впечатоци.

Следете нè на:

 

Најпрво сакаме да ги поздравиме сите љубители на моторите преку овој сајт.

За идејата да се гушне светот патувајќи со мотоцикл, и за хронологијата како сето ова започна, посетете ја нашата страница “Гушни го светот - Македонија“, а сега, прв пат на овој сајт, ви испраќаме телеграфски извештај, и се надеваме дека овој популарен мотоциклистички портал ќе ни овозможува и понатаму да ги споделуваме со вас нашите искуства.

40025453 229048857789594 3640517878995746816 n

На вакво патување е многу тешко да се предвиди сѐ што може да се случи. Во моментов сме во Непал и до сега имаме поминато околу 20.000 км. Моторот до сега добро се држи, како и ние. Негативните работи кои е нормално да се случуваат ги занемаруваме и се држиме до позитивноста на идејата да го гушнеме светот...

До сега најтешко ни беше низ Индија. Таму владее сообраќаен хаос и буквално не постојат правила, премногу е густо населена и во сообраќајот учествуваат рикши, автомобили, камиони, запрежни коли, моторчиња, скутери, трактори и се што може да послужи како превозно средатво, а и кравите се шетаат насекаде по патиштата.

Исто така, многу не исцрпуваат процедурите при преминување на границите. Иако однапред имавме обезбедени визи и карнет за моторот, процедурите се ужасни и се чека најмалку 4 часа.

Додатна потешкотија ни претставуваат високите температури и големата влажност на воздухот, ама брзо се адаптираме... Стекнавме многу нови искуства и познанства, кои ќе ги паметиме засекогаш...

Бидејќи е ова портал за љубителите на мотоциклизмот, сакаме да потенцираме дека доколку Непал би имал подобри патишта, би можел да биде прекрасна дестинација за патување и уживање на мотоцикл...

Оваа прилика ја користиме да се заблагодариме на нашиот генерален спонзор Кожувчанка, и уште неколку други компании и поединци без кои овој проект не можеше да се реализира до сега... Голема благодарност и до амбасадите на РМ во Анкара, Астана и Делхи за досегашната помош, како и асистенцијата на МНР...

Ве гушкаат Силве&Тони - Одиме понатаму...

Би можело да ве интересира

Крузер линијата на Honda доби уште еден специјален модел за сезоната која престои. Станува збор за 2019 Honda Fury кој ќе се издвои од останатите модели по својот храбар дизајн и ретро изглед.

Без никакво сомневање, Италија би можела да се нарече центар на дизајнерските студија од целиот свет. Ајде одблизу да ја разгледаме Италијанската дизајнерска сцена на мотоцикли.

Гран При комисијата ги одложи до јуни задолжителните хомологациски правила за кацигите.

Во изминативе две години бевме малку изгубени, но сега знаеме по кој правец да се движиме и имаме поголем оптимизам – Валентино Роси.

Кал Кратчлоу вели дека воопшто не чувствува болка во зглобот кога е на мотоциклот но кога ќе се симне од него е друга приказна.

Новите надворешни додатоци на Yamaha и Ducati добија одобрување, вели техничкиот директор на MotoGP, Дени Олдриџ.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.