Ducati го претстави новиот Panigale 899 на последниот саем „EICMA“ во Милано, а сега веќе е достапен и во Македонија.
Ducati го претстави новиот Panigale 899 на последниот саем „EICMA“ во Милано, а сега веќе е достапен и во Македонија.
Увозникот на Дукати за Македонија, Динамикс, во својот салон го изложи новиот Ducati Panigale 899.
Ducati со новото Panigale поставува нови стандарди во класата помеѓу суперспорт и супербајк моторите која досега беше резервирана за Suzuki и неговиот GSX-R 750. Panigale 899 има агрегат со зафатнина од 898cm3, кој развива 148 коњски сили. Она што го карактеризира новиот модел е тежината од 169кг (сува тежина), како и опремата која доаѓа како стандардна кај ова Дукати.
Panigale 899 од фабрика доаѓа со ABS кочници, потоа тука е електрониката која може да се пофали со Ducati Traction Control, три типа на модови (Race, Sport и Wet), а доколку ова не ви е доволно, Дукати ви озможува секој мод да го модифицирате според вашите потреби. Секако не смее да се заборави и квик шифтерот кој доаѓа како сериска опрема кај ова Дукати, а за тркачите вреди да се спомене опционалниот DDA+ кој претставува софистициран мерач на кругови.
Brembo кочниците ќе ви овозможат да го скратите времето потребно за кочење, а тука се и Showa амортизерите кои ќе го направат возењето на Panigale 899 идеално. За крај и цената, овој убавец може да биде ваш за 15.900 евра, а можете да го погледнете во салонот на Динамикс на ул. Рузвелтова во Скопје.
Коментари