Пристигнаа информациите од МФМ за годинешното 35-то по ред мото рели Македонија - Независност 2026.
Традиционалното Мото рели Македонија – Независност годинава ќе се одржи од 4 до 6 септември, а учесниците ги очекува тридневна рута која ќе помине низ повеќе градови и региони низ Македонија.
Стартот на релито е закажан за 4 септември во 10:00 часот од Плоштад Македонија во Скопје, додека завршувањето е повторно на Плоштад Македонија на 6 септември, во периодот од околу 17:30 до 18:30 часот.
Овогодишното рели ќе биде лимитирано на 150 домашни учесници, а пријавувањето трае најдоцна до 29 август 2026 година.
Трасата на Мото рели Македонија 2026
Ден 1 – 4 септември (205км)
Скопје – Тетово – Гостивар – Маврово – Дебар – Струга.
Стартот е во 10:00 часот од Плоштад Македонија во Скопје. На патот кон Струга е предвидена пауза во Дебар, а по пристигнувањето во Струга учесниците ги очекува заедничка забава со вечера, со почеток во 20:00 часот.
Ден 2 – 5 септември (272км)
Струга – Охрид – Ресен – Битола – Прилеп – Кавадарци – Неготино – Гевгелија – Дојран.
Стартот од Струга е во 10:00 часот. Во текот на денот е предвидена пауза во Кавадарци, а етапата завршува во Дојран. Во 20:00 часот ќе се одржи заедничка вечера со доделување на наградите.
Ден 3 – 6 септември (295км)
Дојран – Струмица – Берово – Виница – Кочани – Пробиштип – Кратово – Куманово – Скопје.
Во Берово е предвидена пауза, додека во Пробиштип учесниците ќе имаат ланч пакет и освежување. По Кратово и Куманово, релито се враќа во Скопје.
Финишот е на Плоштад Македонија, каде учесниците се очекува да пристигнат меѓу 17:30 и 18:30 часот на 6 септември по извозени вкупно 772км.
Пријавување
Пополнетите пријави треба да бидат доставени до Федерацијата најдоцна до 29 август 2026 година.
Уплатата за котизација (2000 денари за возач и 1400 за совозач) може да се изврши на жиро-сметката:
210-0629307701-96
или директно во просториите на Федерацијата.
Коментари