Еден од најперспективните млади Мотокрос возачи во класата MX85 Антонио Дамјановски од Битола оваа сезона ќе настапува со лиценца од мото клубот „Enduro Team Vodno“ од Скопје.

Антонио Дамјановски е ученик и денеска наполни 14 години, а веќе 2 години по ред е Шампион во својата класа.

Во просториите на клубот беше потпишан договорот со кој Дамјановски ја официјализираше соработката со „Ендуро Тим Водно“.

Како што најавија од клубот во наредниот период приоритет и цел ке им бидат млади возачи за кои ке се потрудат да им обезбедат подобри услови за исполнување на нивните цели.

Им посакуваме успешна сезона на Ендуро Тим Водно и Антонио Дамјановски.