Домашни настани

Заврши сезоната во мотокрос

Во организација на МК Ноќни Волци, а со поддршка од Мотоциклистичката федерација на Македонија на патеката Милци крај Гевгелија, викендов се одржа последната трка од отворениот Шампионат на Македонија во мотокрос.

Следете нè на:

 

Во организација на МК Ноќни Волци, а со поддршка од Мотоциклистичката федерација на Македонија на патеката Милци крај Гевгелија, викендов се одржа последната трка од отворениот Шампионат на Македонија во мотокрос.

Крајот на сезоната привлече голем број на мотоциклисти, иако трката се одржа невообичаено доцна, последниот викенд од ноември. Вкупно 38 учесници од Македонија и соседните земји Бугарија, Грција и Србија беа поделени во 5 класи и 3 дивизии.

motocross milci 16 1Фото: Sase Tec Stojanovski

Кај најмладите најдобар беше Димитар Грозданов (Бугарија) пред Миодраг Станоевиќ (Србија). За третото место неизвесна борба водеа нашите претставници Алберто Видески (МК Ноќни волци) и Самир Бишевац (МК Мото Велес) кои беа и најголеми конкуренти за титулата во класата МХ85. Во првата трка Бишевац успеа да биде побрз, но во втората Видески во неизвесен финиш дојде до третото место со предност од само 0,071 секунди! Тоа беше доволно за место на подиумот за Видески, но Бишевац освои доволно бодови за да ја одбрани шампионската титула.

Во МХ2 победи уште еден млад возач од Бугарија, Станислав Цеклеов. Нашиот Христиан Станковиќ (МК Мотостарс) кој настапи со позајмен мотоцикл со ендуро спецификации, успеа да биде втор пред Младен Станоевиќ (Србија) и по петти пат да ја освои шампионската титула. Треба да се напомене фер-плеј потегот на Борис Мојсов (МК Ноќни волци) кој за второто возење му го позајми мотоциклот на Станојевиќ, откако српскиот натпреварувач имаше дефект на својата јамаха. Неизвесно беше за 4-тото место, каде четворица учесници на крајот беа во само 2 бодови разлика. Со одлично второ возење, како 4-ти заврши Михаил Бајовски (МК Ноќни волци), пред Драган Ванов (МК Мото Велес) и двоецот од МК Ноќни волци, Ангел Ристов и Петрос Танусис.

Во MX1 видовме уште едно супериорно издание на нашиот најдобар мотокросист, Христиан Илиоски. Неговиот атрактивни скокови ја одушевија многубројната публика, а воедно тој го постави најдобриот круг на денот на 1.500 метри долгата патека – 1:40,877. Васко Киров (МК Ноќни волци) беше втор, додека за третото место и свој прв подиум во кариерата се избори Синиша Николоски (МК Александар) кој беше подобар од Тано Пајдаков (МК Ноќни волци) и својот клупски колега Александар Србакоски. Илиоски со третата шампионска титула по ред во класата МХ1 стигна до својата втора златна кацига, а воедно го изедначи рекордот на Гоце Томовски (МК Гого) со најмногу титули во Шампионат на Македонија во мотокрос – вкупно 8!

Тони Цветков (Бугарија) победи во МХ3, пред Борче Костов (МК Ноќни волци) и Јован Јовановски (МК Ноќни волци). Второто место му беше доволно на Костов да ја освои шестата титула по ред, воедно и втората златна кацига.

Во МХ Опен првите две места им припаднаа на гостите од Грција, Статис Фисекис и Сотирис Папас, додека трет беше Велик Кичуров од Бугарија.

Кај клубовите најуспешен беше МК Ноќни Волци од Скопје со што ја завери екипната титула, пред МК Мото Велес и МК Александар од Скопје.

Извор: МФМ

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.