Младиот и талентиран мотокрос возач Христијан Станковиќ е новиот член на мото клубот Ендуро Тим - Водно Скопје.
Христијан Станковиќ е новиот член на МК Ендуро Тим - Водно Скопје. Станковиќ доаѓа од мото клубот Мотостарс од Битола, а важи за еден од најталентираните млади возачи во земјава.
Зад себе веќе има бројни успеси, па иако има само 17 години веќе ја има златната кацига во листата на трофеи. Оваа сезона заради тоа што не се возеше шампионат во мотокрос кај нас тој настапуваше во Србија каде стана вице-шампион во МХ2, и шампион во класата МХ2 јуниор.
Следната сезона ќе продолжи да вози во истите класи, ќе настапува во БМУ Европскиот шампионат во мотокрос во кој се предвидени 7 рунди (14 трки).
Станковиќ во разговорот за мотори.ком.мк изјави дека до соработката дошло спонтано: „Тие видоа дека ми е потребна помош за да напредувам и ми понудија место во тимот. Навистина сум задоволен од условите како и од самата атмосфера, која е навистина позитивна и со нетрпение го очекувам стартот на новата сезона“.
Младиот Кико се надева на успешна сезона во која со помош од тимот ќе атакува на подиум на БМУ Европскиот шампионат во мотокрос во класата МХ2. Во календарот за 2018 предвидени се следните трки:
БМУ Европски шампионат во мотокрос 2018 | |||
Рунда | Датум | Патека | Држава |
BMU MX01 | 10-11.03.2018 | Јаница/Серес | Грција |
BMU MX02 | 21-22.04.2018 | Гјоргево | Романија |
BMU MX03 | 05-06.05.2018 | Севлиево | Бугарија |
BMU MX04 | 26-27.05.2018 | Крешево | Србија |
BMU MX05 | 23-24.06.2018 | Глобаре | Србија |
BMU MX06 | 15-16.09.2018 | Самоков | Бугарија |
BMU MX07 | 29-30.09.2018 | Тројан | Бугарија |
На Станковиќ му посакуваме многу среќа и успех со новиот клуб, и се надеваме дека ќе продолжи по стапките на останатите двајца членови на клубот кои донесоа огромен успех за Македонија на меѓународен план во 2017 година.