Квалификациите на Силверстоун донесоа големи возбудувања и одлична најава за она што ќе се случува на утрешната трка.
Пол позиција за Маркез на утрешната трка која ветува голема борба и неизвесен исход на Силверстоун
Квалификациите на Силверстоун донесоа големи возбудувања и одлична најава за она што ќе се случува на утрешната трка. Од самиот старт, веќе во првиот круг кој се мереше Хорхе Лоренцо го собори рекордот кој беше во сопственост на Стонер од 2011 и тоа за повеќе од половина секунда. Веднаш потоа Маркез го дополни рекордот за дополнителни 0.2, а приказната не заврши тука. Следевме дуел на времињата помеѓу Лоренцо и Маркез во кој на крајот излезе Маркез како победник.
На утрешната трка првиот ред ќе го заокружи Кал Крачлоу кој имаше и два пада во текот на денешниот ден. Вториот ред ќе го започне Штефан Брадл, кој ќе стартува пред Дани Педроса и Валентино Роси. Педроса возеше прилично брз круг пред крајот на сесијата но направи грешка по која престана да форсира, а претходното поставено време беше доволно само за петата стартна позиција.
Трката во недела започнува во 14.00 часот. Пренос од возбудувањата можете да следите на СпортКлуб каналот, а стриминг на http://www.sportcategory.com/c-10.html. Утрешните трки (СУпербајк и МотоГП) ќе се следат во живо и во GP Caffe.
Поз. | Бр. | Возач | Тим | Мотор | Км/ч | Време | Разлика |
---|---|---|---|---|---|---|---|
1 | 93 | Marc MARQUEZ | Repsol Honda Team | Honda | 323.5 | 2'00.691 | |
2 | 99 | Jorge LORENZO | Yamaha Factory Racing | Yamaha | 322.0 | 2'00.819 | 0.128 / 0.128 |
3 | 35 | Cal CRUTCHLOW | Monster Yamaha Tech 3 | Yamaha | 319.7 | 2'01.425 | 0.734 / 0.606 |
4 | 6 | Stefan BRADL | LCR Honda MotoGP | Honda | 326.3 | 2'01.558 | 0.867 / 0.133 |
5 | 26 | Dani PEDROSA | Repsol Honda Team | Honda | 323.1 | 2'01.624 | 0.933 / 0.066 |
6 | 46 | Valentino ROSSI | Yamaha Factory Racing | Yamaha | 322.3 | 2'02.109 | 1.418 / 0.485 |
7 | 4 | Andrea DOVIZIOSO | Ducati Team | Ducati | 321.3 | 2'02.123 | 1.432 / 0.014 |
8 | 19 | Alvaro BAUTISTA | GO&FUN Honda Gresini | Honda | 325.2 | 2'02.252 | 1.561 / 0.129 |
9 | 69 | Nicky HAYDEN | Ducati Team | Ducati | 321.3 | 2'02.289 | 1.598 / 0.037 |
10 | 38 | Bradley SMITH | Monster Yamaha Tech 3 | Yamaha | 320.0 | 2'02.409 | 1.718 / 0.120 |
11 | 5 | Colin EDWARDS | NGM Mobile Forward Racing | FTR Kawasaki | 308.2 | 2'04.032 | 3.341 / 1.623 |
41 | Aleix ESPARGARO | Power Electronics Aspar | ART |