Возбудливите квалификации на патеката Арагон во Шпанија не потсетија уште еднаш зошто во MotoGP се наоѓаат најдобрите светски мото возачи.

Возбудливите квалификации на патеката Арагон во Шпанија не потсетија уште еднаш зошто во MotoGP се наоѓаат најдобрите светски мото возачи.

Марк Маркез дојде до седмата пол позиција во неговата почетничка МотоГП сезона, и со тоа е на добар пат да ја продолжи борбата за титулата на само пет трки до крајот. Во генералниот пласман Маркез води со 253 бодови, 34 повеќе од Лоренцо и Педроса кои имаат по 219.

Иако Арагон е патека на која3 тимот на Јамаха до сега нема забележано победа, не можеме да кажеме дека тоа нема да се промени на утрешната трка. Резултатите кои ги забележаа Валентино Роси и Хорхе Лоренцо се рамо до рамо со времињата на Марк Маркез и Дани Педроса.

Штефан Брадл иако имаше одлично возење на тренинзите, на квалификациите не можеше да го одржи чекорот со водечката четворка, исто како и Алваро Баутиста кој трката ќе ја започне од вториот ред. 

Трката во недела започнува во 14 часот.

Пренос од сите настани во живо ќе има на СпортКлуб каналот, а за оние кои следат преку стриминг, линкот за гледање е: http://www.sportcategory.com/c-10.html

Организирано гледање ќе има во Велес, групата во Скопје се чека во 12.30 на бензиската на Макпетрол во Автокоманда, а поканата е отворена за сите љубители на MotoGP и доброто возење. Според најавата, се очекува присуство на голем број мотори но и скутери.