26
Нед, Фев
Тестови

Возевме: Kawasaki Z1000 2015

Иако моделот на Kawasaki Z1000 кој го добивме на тест од Динамикс е од 2015 година, тој се појави на пазарот во 2014 година и претставува четврта генерација од кога се произведе првиот модел во 2003 година.

Следете нè на:

 

IMGP0601Kawasaki Z1000 2015

Моделот на Kawasaki Z1000 кој го добивме на тест од Динамикс е од 2015 година, но тој се појави на пазарот во 2014 година и претставува четврта генерација од кога се произведе првиот модел во 2003 година.

Во споредба со минатиот модел, кај овој модел моторот претрпел мали измени. Оставен е на постоечките 1,043 ccm, она што е изменето кај оваа машина е тоа што се ставени нови брегасти, нова кутија за воздух, нови усиси и нов ECU (компјутер). Со овие измени моторот има 142 кс односно 6 кс повеќе во однос на стариот модел кој има 136.

Од Кавасаки за рамот и задната вилушка се решиле да ги остават истите со преходниот модел кои доаѓаат од Ninja 1000. Кавасаки е сеуште еден чекор понапред од јапонската конкуренција кога станува збор за суспензијата. Z1000 напред носи Showa 41 милиметарска предница која целосно се подесува. На едната пушка се штелува мекоста, додека на другата се штелува одот на спиралите, кај задниот амортизер ја има истата опција.

Напред носи радијални шапи со по четири клипа од шапа и 310мм дискови кои се за 10мм поголеми во дијаметар во однос на Ninja 1000, додека назад има 250 мм диск со една шапа со два клипа.

Стајлингот е најголемото оружје од кавасаки за овој модел. Изгледот е целосно сменет. Или како што велат од Кавасаки, целта им била да го направат да изгледа како клекнат предатор кој е подготвен да нападне во секое време. По сликите и самите можете да забележите дека во Кавасаки успеале во тоа барем на изглед, а ние можеме да ви потврдиме дека и за возење успеале во таа идеа.

Исто така овој модел е првиот јапонски мотор со целосна лед дисплеј табла. Обртометорот е поделен во два дела, до 4 илјади е во вертикална позиција, а над 4 илјади е во хоризонтална. Додека возите во град првиот дел од обратомерот е сосема доволен бидејќи моторот веќе од 2 илјади сериозно „влече“. Додека вистинската моќ ја покажува над 7 илјади вртежи во минута.

Едноставно моторот премногу добро функционира особено по кривини кога сакате да ја свртите рачката за гас малце повеќе отколку што е дозволено. Кочниците и амортизацијата толку добро функционираат што доколку ги немаше високите рачки и ниското седење ќе помислевте дека се возите на суперспорт, а не на нејкед.

Тоа што не ни се допадна кај овој модел е премалата инструмент табла на која едвај можат да се видат останатите работи покрај брзинометарот и обртометарот. Ааспусите се преблиску до предните ногарки па така да ако имате поголема нога ќе го забележите тоа многу брзо доколку возите со прсти на ногарките. Исто така седиштето е премногу кратко па не ви останува многу простор за движење по кривините. Но ако се земе во предвид дека говориме за нејкед мотор, а не за суперспорт тогаш ова и не претставува некој проблем.

comments

Би можело да ве интересира

Возачот на Кавасаки тимот и актуелен шампион во Мотул Супербајк шампионатот на најдобар можен начин ја започна новата сезона откако забележа двојна победа во првата рунда.

Џонатан Реа на најдобар можен начин ја започна одбраната на титулата откако забележа победа на првата трка во сезоната на патеката Филип Ајленд.

Новинарите од „MCN“ пред неколку години предвидуваа дека Honda ќе направи V4 Супербајк кој ќе има големи сличности со MotoGP мотоциклот. Мислам дека оригиналната гласина започна со „V5 power plant“ ако тоа ви дава некаква претстава за тоа колку долго се врти приказнава.

Подгответе се за ова неверојатно видео кое сигурно ќе ве направи многу популарен меѓу колегите на работа. Подгответе се да изгубите неколку минути од вашиот живот кои никогаш повеќе нема да ги вратите назад.

Новата мото сезона во САД започна во Флорида откако Harley Davidson ги повика возачите да присуствуваат на седумдесет и шестото издание на „Daytona Bike Week“ кое ќе се оддржи во Флорида.

Шефот на Movistar Yamaha, Масимо Мерегали смета дека тркачката симулација која ја имаше Вињалес ја потврдува неговата брзина; Валентино Роси е фокусиран на тестирање на голем број на сетапи

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!