23
Пон, Јан
MK мотоциклисти на меѓународни трки

Блажевски ја покори Тара!!!

Блажевски кој настапи со Yamaha XT 660 R на крајот од 150 километри долгата патека успеа да го освои третото место во генералниот пласман од својата класа С.

Следете нè на:

 

Членот на Мото клубот Александар од Скопје, Деан Блажевски оствари исклучителен успех на натпреварот во екстремно ендуро Xross Challenge 2016 кој се одржа изминатиот викенд на Тара и на кој беа пријавени преку 170 натпреварувачи од 10 држави.

blazevski dejan tara1Деан Блажевски трет на Тара!

И покрај променливото време и тешкиот терен, Блажевски кој настапи со Yamaha XT 660 R на крајот од 150 километри долгата патека успеа да го освои третото место во генералниот пласман од својата класа С. Пред него завршија само домашните натпреварувачи победникот Милош Дишковиќ и второпласираниот Никола Колев. Колев заврши само 8 секунди пред единствениот македонски претставник на третото издание на една од најголемите екстремни ендуро трки во околината.

blazevski tara

Фаворитите во класата А, легендарниот Крис Бирч (Нов Зеланд), минатогодишниот победник Миха Шпиндлер (Словенија) и Бен Хемингвеј (Велика Британија) ги изненади младиот Филип Бертл (Австрија) кој триумфираше во најпрестижната класа.

Во последен момент се одлучив да учествувам на трката и да ја претставувам Македонија на овој голем меѓународен натпревар. Немав многу време за подготовки и тренинзи со оглед на тоа што возев со позајмен мотоцикл. Иако ова ми беше дебитантски меѓународен настап, презадоволен сум од пласманот. И покрај тешката патека и временските услови успеав за околу 6 часови да ги поминам трите брзински испити и поврзувачките етапи. Неколку секунди ми фалеа да бидам втор, но тоа ќе ми биде главен мотив и догодина повторно да се појавам на стартот на оваа престижна трка. Им благодарам на моите клупски другари од МК Александар за помошта пред и во текот на натпреварот, а презадоволен сум од пречекот, организацијата и дружењето со останатите учесници помеѓу кои има врвни светски имиња – изјави Блажевски после крајот на трката.

blazevski dean tara2

comments

Би можело да ве интересира

Tимовите почнаа да ги презентираат нивните нови обележја, нови спонзори и нови тимови за 2017 година.

Suzuki ни ја престави новата линија на супербајк мотоцикли на саемот „EICMA“ во Милано, а денеска пристигна информацијата за цената на новите модели во САД.

Се наближува првиот хипстерски состанок на годината и сигурно се прашувате како да се издвоите од сите тие луѓе кои имаат иста брада и чудни пантолони? Пристигнете на состанокот возејќи 1911 Harley-Davidson модел 7 или пак поексклузивниот 1914 Sears Deluxe.

Болоња му посака добредојде на новиот Ducati Scrambler ресторан, место кое има за цел да ги собере сите љубители на мотоциклите.

Британскиот победник на релито Дакар 2017, Сем Сандерленд, вели дека се уште е во шок од резултатот кој го постигна на овогодинешната трка.

Возачот на Monster Energy Honda, Јоан Бареда, оствари нова победа на десетатата етапа од релито Дакар 2017. Денот беше драматичен и многу возачи имаа проблеми со навигацијата на стазата која беше со должина од 400 километри.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!