MK мотоциклисти на меѓународни трки

Балкански шампионат: Ивчески трет во Плевен!

Четвртата рунда од Балканскиот шампионат во брзински мотоциклизам која викендов се возеше на патеката Долна Митрополија во Плевен (Бугарија) го донесе првиот пехар на нашите натпреварувачи.

Следете нè на:

 

На четвртата рунда од Балканскиот шампионат во брзински мотоциклизам настапија 96 возачи од 6 држави, а Македонија беше претставувана од двајца возачи, Слободан Ивчески во класата F1000 и Христијан Бузалковски во класата SP125.

Слободан Ивчески - Цобо (МК Сакамото) кој настапува во класата F1000 се искачи на пиедесталот за прв пат во сезоната освојувајќи го третото место во Плевен.

Тој на саботните квалификации имаше четврто време, а на загревањето во неделата дојде до втората позиција. Трката ја започна и возеше одлично, па на крајот сосема заслужено дојде до првиот пехар во сезоната.

13415650 10206158589435754 8734672041449202109 oТрето место за Ивчески во Плевен

„Ова беше добра трка, го освоив првиот пехар и се надевам дека ќе продолжам во овој стил до крајот на шампионатот. Би сакал да им се заблагодарам на сите кои ме бодреа како и до дечките кои беа со мене во текот на викендот. Благодарност и до спонзорите кои ми помогнаа да го постигнам овој успех“ - изјави Ивчески за мотори.ком.мк

13392039 10206158586235674 6136255661261132076 oЦобо по завршувањето на трката

На трката во Плевен настапи и Христијан Бузалковски - Бузо (МК Мотори) во класата SP125. Тој на квалификациите забележа шесто време, но благодарение на одличниот старт на трката се искачи до третата позиција. За жал лошата среќа која го прати од почетокот на сезоната продолжи и на оваа трка, па заради технички проблеми со моторот тој мораше да запре. При враќањето на патеката еден од возачите удри во него по што моторот беше оштетен и за него трката беше завршена.

13416888 1041532035928021 3709672291993541073 oБузалковски не ја заврши трката во Плевен

МФМ од Плевен се враќа со два пехара, за освоено трето екипно место во Тим А и второ екипно место во Тим Б.

Следната трка се вози претстојниов викенд на патеката Аданката во Романија, потоа возачите ги очекува трката во Серес на 9/10-ти јули пред последните две трки кои треба да се возат во октомври и ноември.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!