Останато

Дакар – етапа 7: Победа за Американецот Рики Брабек

Откако беше откажана етапата која требаше да се вози во саботата, а неделата беше прогласен за слободен ден, учесниците на релито Дакар се вратија на натпреварувањето во понеделникот кога се оддржа седмата етапа од релито.

Следете нè на:

 

Откако беше откажана етапата која требаше да се вози во саботата, а неделата беше прогласен за слободен ден, учесниците на релито Дакар се вратија на натпреварувањето во понеделникот кога се оддржа седмата етапа од релито. Таа требаше да биде долга 322 километри но повторно поради временските услови  должината на етапата беше скратена на само 160 километри.  Етапата изобилуваше со голем број на песочни дини кои беа голем предизвик за некои возачи.

2017 Dakar Rally Stage 7 Honda 10

За Honda денот беше навистина добар. Американецот Рики Брабек заврши на првото место, а веднаш зад него се најде неговиот тимски колега Пауло Консавеш. Сем Сандерленд го заврши денот на третото место и успеа да ја задржи предноста на табелата.

Победата на Брабек исто така претставува и подолжување на трендот на различен победник на секоја етапа, нешто што е навистина невообичаено со оглед на фактот дека во досегашната историја на релито, еден или двајца возачи секогаш се издвојувале од останатите.

Хавиер де Соултраит продолжува да изненадува со тимот на Yamaha. Денот го заврши на петото место, а во моментов во генералниот пласман се наоѓа на шестото место и се уште е во борба за највисок пласман. Yamaha исто така може да се потпре и на Адриен ван Беверен кој се наоѓа на третото место во генералниот пласман веднаш зад возачот на Husqvarna, Пабло Квинтанила. Бидејќи три производители ги завземаат првите три места на табелата, ќе биде интересно да се види нивната борба додека возат низ Аргентина.

Во понеделник навечер ќе започне маратонската етапа што значи дека само натпреварувачите ќе смеат да вршат поправки на своите машини со цел да се подготват за осмата етапа. Бидејќи нема да имаат помош од механичарите, резултатите кои ќе бидат постигнати во вторник може да ни донесат промени на табелата.  

comments

Би можело да ве интересира

Вицешампионот за сезоната 2017 во MotoGP шампионатот, Андреа Довициозо, вели дека мора да ги согледа позитивните работи како од трката која се возеше во неделата така и од неверојатно успешната сезона за него и за Ducati.

Иако е навистина невообичаен мотоцикл, сепак Moto Guzzi Stelvio има свои следбеници. Кога исчезна од линијата на Moto Guzzi, тој им недостасуваше на многумина.

Ако мислевте дека Honda CB1000R 2018 е добар мотоцикл, тогаш имаме интересна вест за вас. Honda Motor Europe на EICMA мото шоуто во Милано дебитираше со два мотоцикли: Honda CB125R и Honda CB300R.

Без никакво сомневање, Ducati Panigale V4 супербајк е најинтересниот мотоцикл објавен оваа година. Ова не е само наше мислење бидејќи тој беше официјално прогласен за крал на EICMA шоуто.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Motul презентираше ново масло наменето за тркање, 300V²  10W-50, на најголемото мото шоу кое се одржа во Милано, EICMA.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!