Маркез дојде до шестата победа во сезоната на трката во Муџело на која стартуваше од шестата пол позиција.

Маркез дојде до шестата победа во сезоната на трката во Муџело на која стартуваше од шестата пол позиција.

По фантастичната борба со Хорхе Лоренцо на шестата трка во сезоната, актуеалниот Светски шампион дојде до шестата последователна победа. Маркез својот неверојатен успех го забележа од шест последователни пол позиции, па сега веќе се поизвесно е кој ќе биде шампион во МотоГП, иако до крајот на сезоната има уште цели 12 трки.

Муџело е домашна патека на Роси, од кого пред викендот се очекуваше продолжување на одличната форма од претходните трки. Сепак саботните квалификации покажаа дека Роси ќе стартува од 10-та позиција, па еуфоријата не спласна само кај оние најверните фанови. На крајот се покажа и дека биле во право, Роси успеа да дојде до третата позиција, и во генералниот пласман да дојде до второто место.

Она што е поважно за самиот шампионат секако е враќањето во игра на Лоренцо. Ако во изминатите трки гледавме возач кој ни од далеку не потсетуваше на борбениот Лоренцо, во Муџело го видовме вистинското лице на шампионот од 2010 и 2012.

Следевме возбудлива трка од почетокот до крајот, многу претекнувања и возбудливи маневри од кои запираше здивот, трка која ќе остане запаметена и како 300-то Гранд При на Валентино Роси.

Резултати од трката:

Успехот на Маркез е фантастичен, тој на контото во генералниот пласман сега има 150 бодови, на втората позиција се наоѓа Валентино Роси со 97 само еден бод повеќе од Дани Педроса, а Лоренцо по последната трка се искачи на четвртата позиција со 65 бодови.

Следната трка се вози за две недели (15 јуни) на домашната патека на Лоренцо, Каталуња.