МотоГП сезоната 2015 официјално започна со првиот зимски тест на патеката Сепанг во Малезија. На првиот ден најдобро време забележа Марк Маркез, втор беше Валентино Роси, а трет Хорхе Лоренцо.

МотоГП сезоната 2015 официјално започна со првиот зимски тест на патеката Сепанг во Малезија. На првиот ден најдобро време забележа Марк Маркез, втор беше Валентино Роси, а трет Хорхе Лоренцо.

Шампионот од 2014 ја започна новата сезона на ист начин како што ја заврши старата, со најдобар резултат на патеката. Неговиот клубски колега Дани Педроса забележа петто време, половина секунда послабо од она на Маркез. Педроса имаше прилика да забележи подобар резултат но излета од патеката во свиокот број 9, а за негова среќа излетувањето помина без проблеми за него и со мали оштетувања на моторот.

На втората позиција се најде легендарниот Валентино Роси кој заостануваше само една десетинка зад времето на Маркез. Роси беше водечки на провизорната листа во поголемиот дел од денот, борбата на времињата се водеше помеѓу него, Марк Маркез, Хорхе Лоренцо, Дани Педроса и Андреа Довициозо. Лоренцо како и Роси возеше прототип на YZR-M1 кој беше претставен во Валенсија минатата година. На крајот од сесијата двајцата возачи на Јамаха работеа на подобрување на сетапот на моторите.