Возачот на Јамаха МотоГП тимот Хорхе Лоренцо забележа најдобар резултат на денешниот втор ден од пред сезонското тестирање на патеката Сепанг.

Возачот на Јамаха МотоГП тимот Хорхе Лоренцо забележа најдобар резултат на денешниот втор ден од пред сезонското тестирање на патеката Сепанг.

Андреа Довициозо на Дукати имаше второ време пред Марк Маркез кој на вчерашниот тест беше прв. Неговиот клубски колега Дани Педроса беше четврти пред Андреа Ианон и Валентино Роси.

Повеќето од возачите во текот на денешниот ден работеа на телеметријата и различните подесувања на моторите, така на пример возачите на HRC тимот имаа прилика да направат споредба на моторите кои ги возеа вчера со денешните кои беа донесени од Јапонија.

Лоренцо одлично се прилагоди на моторот, иако со мала предност пред Довициозо сепак тој се најде на првата позиција со време од 1'59.963. Валентино Роси на денешниот тест имаше само шести резултат со заостанување поголемо од половина секунда зад Лоренцо.

Од останатите фабрички тимови добар напредок имаше Алеш Еспергаро на Сузуки кој денеска се најде на 10-та позиција, а Маверик Вињалес беше 15-ти. Најбрза Априлија беше онаа на Алваро Баутиста кој на крајот имаше 17-ти резултат, а Марко Меландри денешниот тест го заврши последен.