Harley-Davidson само што ги најави моделите за сезоната 2020.

Harley-Davidson само што ги најави моделите за сезоната 2020. Меѓу нив ќе биде и Harley-Davidson LiveWire, првиот обид на компанијата да влезе на пазарот со електрични мотоцикли. Покрај него ќе има уште неколку нови модели.

Она што вреди да се напомене е дека Reflex Brembo ABS системот кој досега беше само опција кај некои туринг модели, во 2020 година ќе го има кај сите туринг мотоцикли. Тоа е добра вест доколку планирате да купите ваков мотоцикл, бидејќи како што веќе имаме зборувано, вреди да се има ABS системот.

Сега нешто повеќе во однос на новите модели. Според Harley,фокусот кај  новиот Low Rider S е на перформансите и управувањето. Тој е опремен со Milwaukee-Eight 114 моторот како и со Softail шасија.

Во 2020 година, Road Glide Limited ќе го замени Road Glide Ultra. Мотоциклот е достапен во црна боја. Со истата боја е и 2020 Ultra Limited верзијата.

Доколку пак сакате трицикл, тогаш ќе ве израдува информацијата дека компанијата во 2020 година ќе пушти на пазарот  и лимитирана верзија на CVO Tri Glide. Тој ќе го има Milwaukee-Eight 117, моторот кој е срцето на сите CVO модели.

На крајот, доколку сакате нешто светкаво и хромирано, тогаш за вас е Heritage Classic.  Од компанијата велат дека механизмот е идентичен како кај актуелната верзија и дека е различен само изгледот.  Доколку пак сакате нешто поинакво, тука е Heritage Classic 114. За сите оние кои планирате во 2020 година да купите Heritage Classic, има четири избори на бои: Vivid Black, Billiard Burgundy, Silver Pine/Spruce и Billiard Red/Vivid Black.