25
Вто, Јул
MK мотоциклисти на меѓународни трки

Заврши Балканскиот шампионат во брзински мотоциклизам - Ивчески трет!

Со последната осма трка која викендов се возеше на патеката Долна Митрополија во Плевен (Бугарија) заврши годинешниот Балкански шампионат во брзински мотоциклизам.

Следете нè на:

 

Со последната осма трка која викендов се возеше на патеката Долна Митрополија во Плевен (Бугарија) заврши годинешниот Балкански шампионат во брзински мотоциклизам.

На последната трка МФМ беше претставувана од тројца натпреварувачи, Слободан Ивчески - Цобо (МК Сакамото), Сашо Николов - Тумац (МК Мотори) и Христијан Бузалковски - Бузо (МК Мотори).

cobo vtor bgСлободан Ивчески

Во Плевен во конкуренција на 17 возачи Ивчески извозе фантастична трка. Тој успеа да заврши на втората позиција пред конкурентот Михаил Атанасов од Бугарија. Победник на трката беше Калојан Ангелов кој не успеа да го тргне Ивчески од третата позиција во генералниот пласман. Со прокнижаните 20 бодови во Плевен Ивчески ја потврди третата позиција во генералниот пласман на Балканскиот шампионат во брзински мотоциклизам со вкупно 109 освоени поени.

„Одлична трка, беше тешко со оглед на тоа што сите возеа слик гуми, а јас со обични, но на крајот среќен сум што завршив на втората позиција“ - изјави Ивчески и им се заблагодари на сите блиски за досегашната поддршка.

Во истата класа настапи и нашиот возач Сашо Николов - Тумац кој за жал заради проблеми со мотоциклот не ја заврши трката. Ветеранот на македонскиот мотоциклизам возеше добра трка во која се најде на петтата позиција, а на 4 круга пред крајот се соочи со кинење на ланецот заради што мораше пред време да ја заврши трката.

14572787 1771424126467283 1935546135884588793 nХристијан Бузалковски (Фото: lap.bg)

Во класата SP125 настапи Христијан Бузалковски (МК Мотори). Бузалковски стартуваше одлично но последната трка од сезоната ја заврши на четвртата позиција. Дефинитивно сезона која ќе сака да ја заборави со оглед на сите пехови кои му се случија, но од друга страна се здоби со искуство кое ќе му помогне да напредува во кариерата.

„Завршив на четвртата позиција, иако од почетокот на трката се најдов на втората позиција и ја држев истата скоро пет круга. Но поради проблемот со максималната брзина на моторот и предната гума која ме пушташе на некои места од патеката, не успеав да дојдам до место на подиумот!“ - изјави Бузалковски.

Во екипна конкуренција репрезентацијата на Македонија во бодувањето за Тим А се најде на третото место, зад Бугарија и Романија.

Балканскиот шампионат годинава дојде како замена за досегашниот Источно-Европски шампионат, а се состоеше од осум трки: три трки во Плевен (Бугарија), три во Серез (Грција) и две во Романија. Во шампионатот се појавија 173 возачи од 6 земји меѓу кои и нашите Христијан Бузалковски, Игор Спиров, Слободан Ивчески и Сашо Николов.

comments

Би можело да ве интересира

Макпетрол во својот салон за Хонда во Скопје го изложи новиот Honda MSX125 2017

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!