28
Пет, Апр
Занимливости

Италијани испринтаа 3Д електричен мотоцикл

Новата година само што започна, а возбудата околу CES 2016 веќе е тука, и тоа со оправдана причина. Овој настан ја одбележува револуционерната  технологија. 

Следете нè на:

 

CES 2016 привлекува иноватори и ентузијасти од целиот свет, а оваа година ќе се оддржи од 6ти до 9ти јануари во Лас Вегас. Секако дека ќе пишуваме за овој настан, а веќе забележавме и нешто навистина возбудливо и софистицирано: Energica Ego и Eva.

energica ego45 le foto della numero 1 consegnata in italia 13Иако е изработен од 3D печатач, изгледа одлично

И покрај тоа што веќе имаме видено голем број на 3Д иновации кои имаат две тркала, ова е нешто повеќе од мотоцикл. Нудејќи „електрично задоволство“, италијанската креација не само што има 3Д принтани компоненти, туку материјалите беа креирани лично од Франко Чеволини, претседателот на Energica. Ego веќе можете да го најдете преку интернационалните дилери. Компанијата има седиште во Модена, Италија, и е поддивзија на компанија CRP, која е позната како пионер во мотоспортот како и во хај-тек иновациите во изминативе 45 години. CRP е позната по создавањето на Windform напредните материјали добиени со помош на ласер и кои беа искористени во принтањето на овој мотоцикл. Од иновативните материјали па се до електричниот дел, Ego ја крена границата.

Италијанскиот дизајн е баланс меѓу иновацијата и традицијата. Италијанските мотоцикли имаат агресивна линија за да ја нагласат својата моќ и брзина, Ego има прекрасен изглед кој исто така е и динамичен. Инспирацијата за овој мотоцикл е електричната енергија. Иновативен, динамичен, интригантен, но сепак моќен. Оваа моќна машина е полна со живот, а дополнителен факт е и тоа што може да биде тивок. Од 0 до 100 километри може да постигне за само 3 секунди. стои во соопштението на тимот

Според Energica, Ego е уличен мотоцикл а не тркачки.  Тој може да се полни на места кои се обележани за таа намена како и во домот на сопственикот. Исто така може да се следи прогресот на полнење преку новата апликација MYEnergica. Во моментов, низ Европа и Америка има повеќе од 28,000 локации на кои тој може да се наполни.

Според некои наречен „Тесла мотоцикл“, Energica може да се прилагоди пред да се купи. Тој може да постигне 240 км/ч, а батеријата може да се наполни до 80% за само 30 минути. Исто така има и систем за ладење специјално дизајниран за батеријата. „ За разлика од другите мотоцикли, кај Ego батеријата, полначот и ABS се постојано следени од VCU (vehicle control unit) кој е комплетно дизајниран и развиен од Energica.“

Untitled88Energica Ego

И покрај тоа што има 3Д принтани делови, овој мотоцикл има голема моќ. За овој мотоцикл се вели дека му дава ново значење на зборот возење. Секако, во тоа му помага и најновата технологија која е достапна.

Ego ќе биде достапен во две бои, „Matte Pearl“ бела и мат црна. Се очекува да чини помеѓу 22 000 и 25 000 евра и ќе биде презентиран за време на CRP USA Booth кој ќе се оддржи во Јануари 2016 година.  Исто така ќе биде презентирана и новата IOS  и Android апликација која ќе им овозможи на корисниците да ги следат перформансите на мотоциклот преку нивниот телефон. Апликацијата исто така ќе ви помогне и при барањето на најблиската станица каде што ќе можете да ја наполните батеријата. 

comments

Би можело да ве интересира

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Возачот на Movistar Yamaha, Маверик Вињалес вели дека се уште не знае која е причината за падот кој го спречи да се бори за третата победа по ред на трката во Тексас.

Тимот на Reale Avintia Ducati потврди дека го продолжил договорот со Италијанскиот производител и дека наредната сезона нивните возачи, Хектор Барбера и Лорис Баз, ќе настапат со GP17 машината. Со овој мотоцикл оваа година настапуваат Хорхе Лоренцо и Андреа Довициозо.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!