19
Саб, Авг
WSBK

Емоционална, прва победа на Меландри во тимот на Ducati

Марко Меландри ја оствари својата прва победа по 2014 година. Ова за него беше и прва победа со тимот на Aruba.it Racing Ducati

Следете нè на:

 

Марко Меландри стигна до својата прва победа по 2014 година откако успеа да слави на втората трка во Мизано. Ова за него беше и прв триумф со тимот на Aruba.it Racing Ducati. Италијанскиот возач успеа да се поправи откако падна во последниот круг од трката број еден. Одлично стартуваше на втората трка и за кратко време се најде зад Чави Форес и Жорди Торес. Откако Форес мораше да ја напушти трката поради механички проблем со моторот, Меландри се впушти во потера по Торес и веќе во дванаесетиот круг успеа да го претекне. После тоа, тој само ја зголемуваше предноста.

melandri pobeda

На три круга до крајот и Торес мораше да ја напушти трката поради проблеми со мотоциклот, а тоа му овозможи на Меландри уште поголема предност пред возачите на Kawasaki кои беа зад него.

Со овој триумф на Меландри беше одбележан уште еден јубилеј, односно 100 – та победа на некој Италијански возач во Светскиот Супербајк шампионат.

Џонатан Реа заврши на второто место и дополнително ја зголеми предноста пред својот тимски колега Тој Сајкс кој беше трети. Михаел ван дер Марк, кој настапува за Pata Yamaha, заврши на четвртото место, а Јуџин Лаверти од Milwaukee Aprilia, го постигна својот најдобар резултат оваа сезона откако на крајот се најде на петото место. Веднаш зад него беа неговиот тимски колега Лоренцо Савадори и Рафаеле Де Роса.

Возачот на Puccetti Kawasaki, Ренди Круменашер беше осми и на крајот заврши пред Леандро Меркадо и Стефан Бредл.Аиртон Бадовани и Ондреј Језек беа останатите двајца возачи кои успеаа да освојат поени.

comments

Би можело да ве интересира

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Како и што се очекуваше, стигна официјална потврда дека Џек Милер ќе ја напушти Honda и од 2018 година ќе настапува за Pramac Ducati.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!