Вести од светот

Полицијата во Велс ќе ги зема во предвид снимките од граѓаните при незгоди

Полицијата побара од возачите кои имаат снимено некој инцидент да го споделат видеото со нив, интересен концепт кој би било добро да се применува и кај нас.

Следете нè на:

 

Пилот проектот преку кој полицијата ги користеше видео снимките од автомобилите и кацигите на возачите се чини дека ќе почне да се применува во целата држава. Операцијата наречена „Snap“ првично започна со Северен Велс во октомври минатата година. Сега таа започна соработка со „Go Safe“ и ќе биде распространета низ целата територија на Велс. Но и останатите полициски единици ширум Велика Британија и светот планираат да имплементираат слични процедури.

Helmet camera

Бидејќи се поголем број на возачи имаат видео камери додека возат, полицијата одлучи да побара од оние кои биле сведоци на некаква сообраќајна несреќа да го стават видеото на посебна интернет страна. Од октомври минатата година, полицијата во Велс успеа да реши 129 случаи благодарение на ваквите видеа.

Многу често камерите можат да докажат дека сте невини, вели инспекторот Дејв Каст, припадник на полицијата на Северен Велс.

„Имаше една девојка која со мотоциклот поминала на зелено и удрила во автомобил. Двајца сведоци изјавија дека таа поминала на црвено и дека возела пребрзо. Но камерата го покажа спротивното. Тие се соодветен и веродостоен доказ.“

Партнерството со „Go Safe“ ќе им овозможи на возачите брзо и едноставно ставање на видеото на интернет страната на полицијата. Потоа останува на полицијата да одлучи дали возачот треба да добие опомена, казна или пак покана за на суд.

Наредникот Иан Принц вели: „Ова не е нов концепт. И претходно имаме прифаќано вакви снимки како докази. Но она што е важно е дека полицијата заштедува многу време кое е потребно за решавање на случаите и притоа правдата е задоволена.“

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!