23
Саб, Сеп
Вести од светот

Ducati објави зголемен профит од 21% за 2012 година

Како што се предвидуваше, Ducati Motor Holdings објавија импресивен извештај за продажбата во 2012 година со 44,102 моторцикли доставени до клиентите.

Следете нè на:

 

panigale-rs13Ducati Panigale RS, еден од новите модели со прилично висока цена

Како што се предвидуваше, Ducati Motor Holdings објавија импресивен извештај за продажбата во 2012 година со 44.102 моторцикли доставени до клиентите.

Можеби уште поважно е тоа што американскиот пазар ја зацврсти својата позиција како најважен пазар на брендот. 2012 година официјално стана најуспешна година на Ducati.

„Ducati ја заврши 2012 година со приходи од 606 милиони евра, што претставува зголемување од 16% во споредба со 2011 година и вкупно 44.102 моторцикли испорачани на купувачите“, изјави извршниот директор на Ducati Motor Holdings, Габриеле Дел Торкио.

„Нашата стапка на раст е особено импресивна во САД, моментално нашиот примарен пазар, со зголемување од 21% во споредба со 2011 година. Со тоа се потврдува позитивен тренд во оваа земја, каде што продажбата на Ducati се зголемува постојано во изминативе 30 месеци.“

„Ние исто така постигнуваме одлични резултати на далечниот исток благодарение на маркетинг стратегијата која е насочена кон нови пазари.“

„Овие позитивни бројки ја потврдуваат вредноста и посветеноста на нашиот персонал и на нашиот бренд, станувајќи популарни, ценети и препознатливи низ целиот свет,“ продолжи Дел Торкио.

„Производите од 2013 година, вклучувајќи ги Multistrada, Hypermotard, Hyperstrada и 1199 Panigale R, се израз на технолошкиот квалитет и емоционалното влијание на нашите производи, што е важно во сегашната високо конкурентна економска клима. Дукати е, и ќе продолжи да биде производствено ориентирана компанија, со развојот и иновацијата како темел на нашата стратегија.“

Овластен увозник за моторите Дукати во Македонија е фирмата Динамикс.

 

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!