2021 Sepang Shakedown и официјалниот MotoGP тест се откажани.

Како резултат на се построгите ограничувања во Малезија, FIM, IRTA и Dorna Sports официјално соопштија дека се откажуваат 2021 Sepang Shakedown и официјалниот MotoGP тест.

Тестовите требаше да бидат првите кои ќе се оддржат надвор од Европа по февруари минатата година. Но на возачите ќе им беше потребна посебна дозвола издадена од владата на Малезија.

До пред неколку дена тоа се чинеше возможно но растот на бројот на случаи во државата ги принуди Малезиските власти да преземат подрастични мерки.

„Пандемијата како и новите карантини доведоа до откажување на двата настани, кои требаше да се оддржат на патеката во Сепанг во февруари“, се наведува во соопштението кое го испрати Dorna.

„Тестот во Катар, кој треба да се оддржи од 10-ти до 12-ти март останува на распоредот. Навремено ќе ве информираме доколку има некакви промени.“

Тестот во Сепанг требаше да биде прв MotoGP настап за дебитантите Марко Безеки, Лука Марини и Хорхе Мартин. Тука требаше да дебитира и Валентно Роси во новиот тим а Кал Кратчлоу ќе ги возеше првите кругови како тест возач на Yamaha.

Во Катар е закажана и првата трка од сезоната која треба да се оддржи на 28-ми март. Сега најверојатно, возачите и тимовите ќе останат во Катар се до оддржување на трката.

Првичниот распоред на трките сигурно ќе претрпи промени. Доколку трката во Катар се оддржи според планираното, големи се шансите следната трка да се вози во Европа. Во моментов, многу се мали шансите дека ќе се оддржат трките во Аргентина и Остин.