21
Пон, Авг
MotoGP

Лоренцо: Утре мораме да пробаме нешто ново

Хорхе Лоренцо призна дека нешто треба да се промени откако за време на првиот слободен тренинг откри дека на мотоциклот не му одговара меката задна гума

Следете нè на:

 

Хорхе Лоренцо смета дека се потребни големи промени на неговиот Ducati GP17 за тој да биде компетитивен, откако на првиот слободен тренинг заврши на петото место со заостанување од 1.29 секунди зад Маверик Вињалес.

lorenco katar novaХорхе Лоренцо

Петкратниот светски шампион беше еден од возачите кои при крајот на сесијата настапија со мека задна гума. Тоа допринесе до значителен пад во брзината и му покажа дека таа не одговара на оваа патека.

„Се мачевме малку со ветрот. Условите не беа добри за тврда гума. Кога го ставивме мекиот пневматик, брзината малку се подобри но тоа траеше само неколку круга. Но во последните два круга брзината значително опадна. Утре мораме да пробаме нешто друго. Треба да ги промениме сетинзите.“

„Да видиме дали тоа ќе промени нешто бидејќи сега меката гума е премногу мека. Со тврдата гума пак не сме компетитивни и не сме константни.“

На прашањето какви проблеми имал при влегување во свиок, Лоренцо изјави: „Во моментов трансферот е премногу агресивен и не ја користам задната гума за да ја намалам брзината на мотоциклот. Мораме да имаме поголема самодоверба кога кочиме со задниот пневматик и особено при влегување во свиок.“

„Мораме да пробаме некои нови сетинзи и да го искористиме сопирањето. Очигледно е дека имаме предност на правец, таму сме најбрзи. Но за време на влугувањето во свиоците, особено при сопирање, не го користиме целиот потенцијал на мотоциклот.“

Лоренцо не заборави да каже нешто и за Вињалес, возачот кој го зазеде неговото место во Movistar Yamaha: „Денеска имаше ветар и патеката беше лизгава. Импресивно е тоа што Вињалес беше најбрз бидејќи патеката беше во полоша состојба отколку на тестот.“

comments

Би можело да ве интересира

Тимот на LCR Honda денеска соопшти дека од следната сезона ќе има двајца возачи, освен Кал Крачлоу за тимот ќе настапува и Такаки Накагами. 

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!