Веспа само што претстави нова специјална верзија наречена Sei Giorni, или преведено, „Шест дена“. Оваа лимитирана верзија беше креирана со цел да се одадде почит на оригиналната „Six Days“ Веспа спорт која во 1951 година ја освои интернационалната „Six Days of Varese“ награда.

Веспа само што претстави нова специјална верзија наречена Sei Giorni, или преведено, „Шест дена“. Оваа лимитирана верзија беше креирана со цел да се одадде почит на оригиналната „Six Days“ Веспа спорт која во 1951 година ја освои интернационалната „Six Days of Varese“ награда.

Базирана врз основа на актуелната Веспа GTS, стилот на новиот модел е во согласност со класичниот стил на компанијата. Се карактеризира со светло сместено на предниот браник како и специјално дизајнирани рачки чијашто инспирација потекнува од оригиналната верзија.

Дисплејот со податоци исто така е инспириран од оригиналната верзија на скутерот и содржи аналоген брзинометар. Сепак, тој е опремен и со најнова технологија која на возачот му обезбедува голем број на информации.

Веспата „Sei Giorni“ исто така има единечно кожно седиште како и специјални „Vespa Racing Team“ обележја, односно затемнети тркала, издув, панели како и уште неколку други додатоци како што се LED светла и ABS сопирачки.

Но на веспата можат да се додадат уште голем број на додатоци како што се поголемо ветробранско стакло, предна и задна торба, направа за заштита од крадци како и Tom Tom Vio GPS уред.

Моделот е направен од нерѓосувачки челик и е одличен за движење низ град но исто така и за кратки релации надвор од градот. Опремен е со модерен 300cc Euro 4 мотор кој има течно ладење и кој може да произведе 21 коњски сили како и 22 Nm при 5000 rpm. Тој исто така има и електричен стартер CVT како и 8.5 литарски резервоар. Единствена непозната работа засега е неговата цена но претпоставуваме дека ќе изнесува неколку илјади евра повеќе отколку стандардниот модел.