21
Пет, Јул
MK мотоциклисти на меѓународни трки

Успешен старт на сезоната за нашите кросисти во ИЕШ

Викендов на патеката Јаница во соседна Грција се возеше првата рунда од Источно Европскиот шампионат во мотокрос, а во најсилната класа МХ1 нашиот Христијан Илиоски го освои третото место.

Следете нè на:

 

kiko 3 janicaТрето место за Кико во првата рунда од сезоната

Викендов на патеката Јаница во соседна Грција се возеше првата рунда од Источно Европскиот шампионат во мотокрос, а во најсилната класа МХ1 нашиот Христијан Илиоски го освои третото место.

Илиоски возеше со ланскиот мотор, без соодветна подготовка и со многу проблеми но сепак успеа да дојде до две трети места на трките и со тоа на крајот да се искачи на пиедесталот. Во првата трка конкуренцијата на Илиоски имаше одличен старт заради јачината на моторите па беше невозможно тој да ги стигне до крајот на трката која се возеше по каллива подлога. Во втората трка иако имаше послаб старт Илиоски до крајот успеа да помине повеќе возачи и да дојде до втората позиција, но за жал на 2 круга пред крајот неговиот мотор едноставно изгасна па тој мораше да се задоволи со третата позиција и во оваа трка.

10956033 816116538468986 5102091954052343797 nДругарите на Илиоски прашуваат, до кога вака?

Во истата класа настапи и нашиот Гоце Томовски. Тој имаше фантастичен старт на двете трки избивајќи на првата позиција но лошата патека и недоволниот тренинг си го направи своето па на крајот финишираше на седмата позиција.

 tomovski mx1 janicaТомовски со фантастичен старт, на двете трки првата позиција по стартот беше резервирана за него

Во класата МХ2 Јуниот Адријан Ристевски се пласираше на 12-та позиција, а Ангел Ристов го прокнижи првиот бод за себе на ИЕШ. Во бодувањето за МХ2 класата Ристевски ги забележа првите три бода. Ова беше одличен настап на нашите млади возачи кои за прв пат во оваа класа без соодветни подготовки успеаа да донесат бодови за МФМ.

adrijan mx2 janicaБодови за Андријан во класите МХ2 и МХ2 Јуниор

Во класата МХ претставникот на МФМ од Грција Петрос Танусис имаше одличен настап, тој постојано беше во предниот дел од колоната и се обидуваше да се избори за повисоко место, а на крајот Танусис заврши како шестопласиран. Во оваа класа својот прв настап го имаа и Јован Стојков, Васко Киров и Саше Трајков кои иако не прокнижија бодови сепак собраа големо искуство за следниот настап.

borce mx3 janicaКостов со 30 бода на своето конто по првата рунда од ИЕШ во мотокрос

Забележителен настап имаа и нашите претставници во MXV класата во која силите си ги одмерија Борче Костов и Мирче Ќорнаков. На крајот од рундата тие се со ист број бодови (по 30) на 5-та и 6-та позиција. Во однос на бодовното салдо ова е долично за Костов кој има намера да го вози целиот шампионат и да го повтори успехот од минатата година кога на крајот беше третопласиран.

mxv janicaВо класите MX и MXV имаше најмногу учесници

Во класите МХ65 и МХ85 кои се бодуваа за Европскиот мотокрос шампиона Македонија немаше свои претставници.

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!