Корисни текстови

Како да одговорите кога некој ќе ви каже дека возењето мотоцикл е опасно?

Доколку возите мотоцикл или пак планирате да почнете да го правите тоа, сигурно дека ќе се најде некој кој ќе ви приговара за таквата одлука, кој ќе ви кажува колку е само тоа опасно и дека има големи шанси да загинете.

Следете нè на:

 

Да бидам искрен, за разлика од многу други возачи, мене не ми се случува тоа толку често. Отсекогаш ми се допаѓал одговорот кој го дава еден познаник кој вели „Ако ми кажеш дека братот на најдобриот пријател на мојот чичко починал додека возел пијан и при брзина од 100 километри на час, тоа нема да ме убеди дека возењето мотоцикл е опасно, туку само ќе ми сугерира дека братот на најдобриот пријател на мојто чичко бил навистина невнимателен“.

20182F052Fdanger lead

Сепак, секогаш кога ќе ми постават такво прашање, јас веднаш поставувам друго прашање, односно дали тој некогаш во животот возел автомобил. Дали знае некој кој се здобил со сериозна повреда или пак загинал при автомобилска несреќа. Потоа одбивам да продолжам со разговорот. Поентата ми е дека секаде постои ризик но тоа не значи дека не треба да ги правиме работите кои ги сакаме. Но денеска, се сетив на еден подобар одговор.

Замислете двајца луѓе кои трчаат секој ден. Лицето А, без разлика какво е времето секогаш трча надвор. За разлика од него, лицето Б, без разлика какво е времето секогаш трча во затворен простор. Врз основа на овие работи, што мислите кое лице има поголеми шанси да заболи од рак на кожа? Кој има поголеми шанси да добие смрзнатини? Кој има поголеми шанси да биде удрен од автомобил. Кој има поголеми шанси да се лизне на мразот и сериозно да се повреди?

Во сите случаи, лицето А се изложува на многу поголем ризик бидејќи трча надвор. Сепак, не покажуваме со прст кон лицето А и не му велиме дека е идиот. Наместо тоа, јасна ни е желбата и користа која лицето А ја има со тоа што трча надвор и покрај поголемите опасности. Животот на лицето А е збогатен со тоа што повеќе време поминува надвор во природа наместо внатре.

Ова е мое мислење и тоа се однесува и на возењето мотоцикл. Сум паднал и навистина, навистина не ми се допаѓа тоа. Но уште помалку ми се допаѓа идејата да не излегувам надвор. Понекогаш вреди да се ризикува. Што мислите вие?

Би можело да ве интересира

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Оваа серија ќе се оддржува за време на петте Европски Гран При трки и ќе се потпира на тимовите кои се веќе дел од MotoGP гаражата.

Возачот на Kawasaki, Џонатан Реа ја постигна втората победа во текот на викендот на трката која се возеше во Портимао.

Веќе некое време знаеме за BMW R1250GS 2019 но денеска, благодарение на промотивното видео за прв пат имавме можност да ја видиме оваа машина.

Kawasaki објави детали за два нови модели со зафатнина од 125cc.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!