Занимливости

Кацига со систем за воздушно ладење

Системот кој ќе чини 25 долари се состои од резервоар за вода, електичен фен, мал радијатор и филтер за воздух. Идејата е да се користи испарувањето на водата која со помош на фенот ќе овозможи струење на воздухот.

Следете нè на:

 

Иако има уште неколку месеци до почетокот на летото, сите знаеме што значи возење на такви услови, особено кога треба да стигнеме до своето работно место пробивајќи се притоа низ голем сообраќаен метеж. Мислам на оној момент кога ќе стигнете на работа, а вашата глава е премногу испотена и изгледате како да сте се туширале. Но наскоро можеби ќе имате решение за овој проблем.

helmet air conditioning is on preorder now 8

Индиската компанија „BluArmor “ која е подружница на „AptEner Mechatronics“ е на прагот да го престави својот „BluSnap“ систем за ладење.  Тој работи на батерија и овозможува проток на ладен воздух низ кацигата. На прв поглед можеби ќе ви делува дека тоа ќе влијае на аеродинамиката на кацигата, но за возење низ град мислам дека ќе заврши голема работа.

Системот кој ќе чини 25 долари се состои од резервоар за вода, електичен фен, мал радијатор и филтер за воздух. Идејата е да се користи испарувањето на водата која со помош на фенот ќе овозможи струење на воздухот. Според компанијата, температурата на овој начин ќе се намали за 6 до 15 степени. Сепак, тоа зависи и од условите во кои возите.

Тестовите кои ги направи компанијата во текот на изминатата година покажаа дека дури и во Ченаи, град со навистина влажна клима, самата кацига овозможува температура од 31 степени во услови кога температурата во градот изнесува 41 степен.

Се уште не е позната која ќе биде нејзината тежина но не очекувајте дека ќе биде премногу. Филтерот за воздух ќе биде антибактериски додека пак батеријата ќе може да издржи до десет часа во зависност од условите. Се препорачува полнење на резервоарот за вода пред секое возење, а тој би требало да трае околу 2 часа.

Доколку сакате, веќе можете да го нарачате додатокот за кацигата. Очекувајте да пристигне по 15-ти март.

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!