21
Чет, Сеп
Занимливости

Ивана и Ману стигнаа до Чиле, зад себе поминаа 26 земји и 50.000км

Ивана и Ману продолжуваат со своето патешествие, во моментов се во Јужна Америка, возат низ 26-та земја од поаѓањето и веќе зад себе имаат 50.000 километри.

Следете нè на:

 

BeFunky null 6.jpgИвана и Ману се во Чиле од каде продолжуваат со патот и покрај повредата на Ивана

Ивана и Ману продолжуваат со своето патешествие, во моментов се во Јужна Америка, возат низ 26-та земја од поаѓањето и веќе зад себе имаат 50.000 километри. За читателите на мотори.ком.мк, Ивана ги пренесува случките од пристигнувањето на новиот континент:

По 2 месеци патување со брод откако го напушти пристаништето во Мелбурн, нашиот мотор пристигна на 17 Септември во Валпараисо. Конечно долгиот пат заврши и сега сме сите заедно со желба за возење уште многу километри, но овој пат од другата страна на светот, на патиштата низ Јужна Америка. Планот е да одиме до најјужната точка, да стигнеме до најдалечниот град во светот, Ушуаја. Точно пред Антарктикот, да стигнеме до таму со моторот. Од таму продолжуваме нагоре, поминувајќи го цел континент се до Аљаска поминувајќи ги речиси сите држави.

Незнаеме со што ќе се соочиме тука, во овој момент се сретнавме со два многу популарни патишта, низ кој најпрво ќе поминеме, еден во Чиле и еден во Аргентина кој им се многу познати на оние кои сакаат авантура и возење off road. „Carretera Austral“ и „Ruta 40“. Ги запознаваме најмагичните места низ Патагонија и Андите. Да, ќе возиме низ највозбудливите делови во светот кои се познати по Rally Dakar кој наскоро ќе започне.

BeFunky null 2.jpg copiaИ сега, каде?

Луѓето ни препорачаа да го почитуваме она што го имаме на овој пат пред нас. Патуваме низ „carretera Austral“ покрај гласијари, многу ниски температури, постојан дожд и без асфалт, пат со многу лоши услови (посебно сега после зимата). И „Ruta 40“ каде се соочуваме со најсилниот ветер во цел свет. И двата од овие патишта не ставија на граница со нашата сила и способности. Но, ние научивме дека кога патот е потежок, целта е послатка. Ушуаја е долго време во нашите глави, да стигнеме таму со AROUND GAIA, момент на остварување на една голема цел и поставување на нови, што значи и ние се развиваме и учиме нови работи. И колку и да е тежок патот неможе да ја сруши нашата мотивација.

Веројатно некој од читателите може ќе мислат дека моите зборови се претерани со цел да и дадам повеќе возбуда на мојава приказна, но не е така. Тешкотијата во патувањето со мотор во овие географски широчини е вистинска, и јас ја почувствував лично со луксуфрактура на глуждот. Фибулата беше комплетно скршена и раздвоена и исто така и петата коска.

aСеуште некој мисли дека патот околу светот со мотор е лесна работа?

Ми поминаа многу мисли низ глава во овој момент, но во ниеден момент да се вратам дома без да го завршам сонот. Принудени сме да направиме пауза, Ушуаја ќе мора да почека. Ја сватив оваа ситуација како уште една приказна повеќе од ова патување и лекција за да бидам посилна личност.

Како и да е, судбината има чуден начин да делува на нашето патување, воспоставува рамнотежа. Во истиот момент на несреќата ни пристигнаа првите спонзори, брендови кои го препознаа она што го правиме, го почитуваат и сакаат да соработуваат со нас. Можеби и ни беше потребно малку одмор и простор да го организираме остатокот од патувањето со нашите нови партнери. Новата етапа ме прави посилна и ме мотивира за побрзо закрепнување од повредата.

BeFunky IMG 8138-2.jpgСекое лошо за добро е, Ивана и Ману ги добија првите спонзори

Имав желба некој од брендовите да биде од Македонија, не само заради материјалните работи, туку заради чувството да знам дека дома некој го разбира значењето на она што го правиме, но во овој момент ќе работиме со Шпанија (SHIRO) и Холандија (REV´IT).

Во овој момент сме во Чиле во јужниот дел и тука ги заокруживме 50.000 км на ова патување околу свет за повеќе од една ипол година и е наша 26-та земја по ред.

BeFunky Chromatic 1Чувството на слобода, само моторот и отворениот пат пред себе

Доколку сте пропуштиле:
 - Ивана и Ману поминаа 3 континенти и 43.000 километри
 - Ивана и Ману на пат околу Светот со мотор

Како и секогаш, да ги потсетам читателите на Мотори доколку би сакале да знаат и видат повеќе од приказните од оваа авантура, може да не следат на фејзбук:www.facebook.com/aroundgaia или на веб страната: www.aroundgaia.com

 

comments

Би можело да ве интересира

Валентно Роси одлучи дека ќе настапи на претстојната МотоГП трка во Арагон.

Роси се обидува да се врати на Арагон, доколку успее ќе загуби бодови од само една трка и ќе остане во борбата за шампионатот.

Андреа Довициозо и Марк Маркез го делат мислењето за една работа по завршувањето на неделната трка –не е точно дека одредени патеки повеќе им одговараат на некои машини.

Компанијата Pirelli обезбеди нов заден пневматик, W0735, за да го користат возачите од Светскиот ШСупербајк шампионат на патеката во Портимао. Тоа е нов, мек пневматик кој содржи различни структурни решенија во споредба со стандардниот, мек, SC0 како и SC1.

Словенечкиот производител на издуви Акрапович објави едно видео на кое може да се види како звучат сите супербајк мотоциклите кои користат нивни издуви. Засилете го звукот и уживајте.

За 2018 година верзијата на Kawasaki Z900 која има 93 коњски сили (70kW) ќе им биде достапна на сите оние кои имаат А2 лиценца.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!