Занимливости

BMW R 1200 GS Adventure направен од лего коцки

Lego и BMW Motorrad им овозможија на идните возачи да направат минијатурна верзија на моделот R 1200 GS Adventure. Знаете како велат – привлечети ги додека се млади и можеби ќе ве следат во текот на целиот живот.

Следете нè на:

 

Lego и BMW Motorrad им овозможија на идните возачи да направат минијатурна верзија на моделот R 1200 GS Adventure. Знаете како велат – привлечети ги додека се млади и можеби ќе ве следат во текот на целиот живот.

Комбинирајќи го дизајнот со уметноста на инжињерството, ова е првиот модел на LEGO кој ќе биде  направен во соработка со производител на мотоцикли. На пазарот ќе се најде од 1-ви јануари 2017 година.

lego bmw r 1200 gs adventure on shelves starting 2017 14

 „BMW Motorrad е многу задоволен бидејќи го дели ентузијазмот за овој мотоцикл со LEGO Technic. И двете компаниии имаат долга традиција на производство на емоционални продукти за своите потрошувачи,“ изјави Хајнер Фауст, директор за продажба и маркетинг во BMW Motorrad.

Можеби нема да изгледа толку комплицирано да се направи како другите производи на LEGO, но би требало да знаете дека R 1200 GS Adventure ќе биде составен од 603 делови, а крајниот резултат е направен на тој начин за да изгледа многу слично со оригиналната машина.

Задржани се главните карактеристики и линии на мотоциклот, вклучувајќи го и прилагодливото ветробранско стакло. Ентузијастите лесно ќе ја забележат предната суспензија како и рамниот-преден мотор, кој всушност се движи кога ќе се рашират тркалата.

Дури и тркалата на играчката се слични со оние на оригиналниот мотоцикл. Благодарение на многуте детали, овој сет не само што е реален туку е и многу забавен и предизвикувачки да се направи.

Моделот е висок 18 сантиметри, неговата должин изнесува 33 сантиметри, а ширината му е 10 сантиметри. Доколку сакате полесно да го составите, постои и посебна апликација која можете да ја пуштите на вашите телефони и таблети.

LEGO Technic BMW R 1200 GS Adventure исто така има и едно изненадување за колекционерите. Групацијата LEGO, следната година прославува 40 години постоење на LEGO Technic и по тој повод комплетот ќе содржи и специјално дизајниран LEGO Technic дел.

Би можело да ве интересира

Викендов на патеката Орман во Скопје се вози третата и последна трка од шампионатот на Македонија во мотокрос.

Фантастична борба за победата ја одбележа првата трка за ГН на Тајланд која му припадна на Марк Маркез.

Слободно можеме да кажеме дека новите модели кои ги прикажа Ducati за време на Intermot беа помалку резервирани.

За време на изложбите во Париз и Intermot, Honda го претстави новиот Super Cub C125 кој се очекува да се најде на пазарот оваа есен.

Не сите модели кои ќе ги видиме на Intermot имаат нова технологија, неколку мотоцикли за 2019 година добија само нова боја.

Денешните квалификации во Тајланд го однесоа Марк Маркез на нова пол позиција.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.