Словенскиот производител на издуви „Akrapovic“ ја претстави новата технолошка иновација преку која со едноставно притискање на копче ќе можете да одберете дали вашиот мотоцикл ќе звучи стандардно или ќе „грмите“ по улиците.
Словенскиот производител на издуви „Akrapovic“ ја претстави новата технолошка иновација преку која со едноставно притискање на копче ќе можете да одберете дали вашиот мотоцикл ќе звучи стандардно или ќе „грмите“ по улиците.
Благодарение на безжичната технологија, „Akrapovič Sound Kit“ станува достапен и за мотоциклите. Технологијата работи така што со едноставно притискање на копче на вашиот привезок за клучот, или пак преку апликација за смартфон ќе можете да го регулирате звукот на моторот. Вентилите кои се поставени пред издувот се креваат или спуштаат во зависност од тоа дали возачот сака тивок мотор или пак звук кој е карактеристичен за Акрапович издувите.
Промената на звукот е моментална, може да се прави во возење или во стоење и системот не му штети на агрегатот. Инженерите од Акрапович се погрижија и за деталите на системотм, па така самото далечинско е изработено од материјали кои се отпорни на гребење, влажност, вода, температура и прашина. Далечинското користи „Bluetooth low energy (4.0)“ технологија која ја одржува батеријата долг период во живот, а поврзувањето со системот на моторот е преку едноставно притискање на копче.
Љубителите на автомобилите веќе ги добија првите примероци од новите издуви, ние мотоциклистите ќе треба да се стрпиме до мај за кога е најавен првиот издув за Харли Дејвидсон, а потоа ќе следуваат и издувите за сите останати брендови на мотори.
Увозник на издувите Акрапович за Македонија е компанијата Динамикс.
