05
Пон, Дек
0 нови содржини
Корисни текстови

10 работи што треба да ги правиме за оддржување на мотоциклот

Исто како и човечкото тело, и мотоциклите можат да издржат многу и да продолжат да работат. 

Следете нè на:

 

Но постојат многу начини на кои можете да го расипете мотоциклот. Често тие се случуваат поради незнаење, неспособност или негрижа. Чувајте го вашиот мотоцикл и тој ќе ве чува вас.

1. Не го оддржувате вистинскиот притисок на пневматиците

Roadgear Tire Gauge

Мотоцикли, автомобили, камиони, има милиони возила низ светот кои возат со лошо напумпани гуми.  Поради оваа причина вие трошите повеќе гориво и побрзо ја уништувате гумата.  Некои луѓе го проверуваат притисокот на пневматиците пред секое возење, што не е лоша идеја доколку возите цел ден, но обидете се да го направите тоа барем еднаш неделно. Проверете ги пневматиците кога е ладно и следете го упатството кое е залепено на плочката на вашиот мотоцикл. Кога го проверувате притисокот, проверете и дали има нешто закачено на гумите или дали тие се оштетени.


2. Трошите пари на премиум гориво а на вашиот мотоцикл не му треба тоа

PON sticker

Упатството што ќе го добиете со мотоциклот или налепницата на резервоарот ќе ви кажат со колку октани треба да биде горивото што го ставате во вашиот мотоцикл. Многу од денешните мотоцикли користат премиум гориво, но некои модерни мотоцикли и голем број од постарите користат обично гориво. Ако користите гориво кое што има помалку октани отколку што е препорачано е лошо. Може дури и да го расипе моторот. Но користењето на гориво кое има повеќе октани отколку што е препорачано, е залудно трошење на вашите пари (нека не ви влијаат рекламите и муабетите од пријателите).


3. Нередовната проверка и промена на маслото

OIL LEVEL

Сите мотори со внатрешно согорување имаат потреба од соодветно подмачкување за да се намали топлината. Некои мотори, особено постарите, трошат повеќе масло. Без разлика дали тоа го прават додека работат или едноставно истекува од некаде.  Создадете си навика редовно да го проверувате нивото на маслото. Проверете во упатството после колкав период треба да го промените маслото.  Филтрите за масло собираат прашина и метални делови. Затоа ставете и нови филтри кога го менувате маслото.


4. Заборавате да го исчистите, подмачкате и прилагодите ланецот

chain3

Сами можете да си направите проблем доколку не внимавате на состојбата на ланецот на мотоциклот.  Доколку имате постар мотоцикл, тогаш сигурно имате ланец кој бара повеќе внимание и оддржување. Но повеќето нови мотоцикли имаат O-ring ланец. Тие имаат мали додатоци кои спречуваат прашината да се залепи на ланецот. Повеќето упатства препорачуваат подмачкување на ланецот на секои 400 до 500 милји. Но доколку возите на влажни или суви услови, тогаш треба почесто да го подмачкувате, можеби дури и секој ден. Доколку е можно, пред да го подмачкате ланецот,  исчистете го.  Подмачкајте го ланецот откако ќе завршите со возење, додека тој е се уште топол, за да може маслото да навлезе во сите делови. Навалете го мотоциклот и подмачкајте го ланецот одоздола.  Откако ќе го исчистите  и подмачкате, проверете го притисокот на ланецот. Доколку има потреба, прилагодете го.


5.  Не користите стабилизатор за гориво

Оние од вас што имаат мотоцикли со електронско вбризгување на горивото, бидете среќни и продолжете понатаму. Но оние чии мотоцикли имаат карбуратори и кои не сте ги возеле подолг период, може да затнат од старото гориво кое се таложи на дното. Регуларна употреба на стабилизатор за гориво, и празнењето на резервоарот доколку не планирате да го возите мотоциклот подолг период, се најдобриот начин да го заштитите системот за гориво.


6. Заборавате да ги подмачкате и прилагодите гаста, кумплунгот и сопирачките

Adjusting clutch cable2

Каблите кои ги контролираат гаста, кумплунгот и сопирачките се особено важни компоненти, но на кои често не им обрнуваме доволно внимание. Леплив кабел кој правилно не се движи напред-назад може да претставува голема опасност. А доколку се скине кабелот тогаш ќе немате што да правите. Според Motion Pro, произведител на голем дел од компонентите на еден мотоцикл, контролните кабли на мотоциклот мора да се подмачкуваат и прилагодуваат после секое возење. Тоа е особено важно за off-road мотоциклите. Ви препорачуваме да го прочитате упатството „Cable Maintenance 101“ од Motion Pro.


7. Не користите полнач за акумулатор

Дури и ако вашиот мотоцикл е паркиран во гаражата, со текот на времето батеријата ќе се испразни.  Вашиот акумулатор може да се расипе доколку се испразни. Најдобриот начин да го сочувате вашиот акумулатор е да користите полнач, како на пример YEC-8.  Тој е опремен со микропроцесор кој му овозможува да врши разни работи, меѓу кои и да го провери акумулаторот. Исто така, тој ќе го оддржи вашиот акумулатор во оптимална состојба.


8. Не го проверувате и менувате маслото во карданот

Shaft Drive

Многу возачи сакаат мотоцикли кои имаат пренос со кардан, бидејќи не им треба многу внимание. Иако се потешки од останатите, овие мотоцикли не фрлаат масло врз рамот или задната вилушка и не треба да се прилагодуваат или менуваат. Но брзините се подмачкуваат со масло кое треба редовно да се проверува и менува во согласност со упатството. Кај повеќето мотоцикли прв пат треба да се промени маслото после поминати 900 километри, а понатаму на секои 20000 километри.  Тоа е доволно долг период за да заборавите, но последиците за тоа ќе бидат многу скапи.


9. Не ја менувате течноста за сопирачките

Motul DOT 5.1 Brake Fluid 500ml 300x200

Ова е уште една работа која лесно се заборава. Хидрауличните сопирачки работат одлично, особено модерните видови. Но за да работат добро сопирачките, хидрауличната течност, треба редовно да се менува. Повеќето упатства препорачуваат менување на течноста на секои две години и менување на цревата на секои четири години.  Следењето на овие упатствата е од голема важност доколку сакате да го сочувате вашиот мотоцикл.


10. Не го читате упатството на производителот

Owners Manual

Ова е од голема важност бидејќи упатството ги содржи сите потребни информации.  Многу малку луѓе го читаат целото упатство, но барем можете да го разгледате за да знаете што има во него. Повеќето упатства имаат делови за безбедност, општи информации, спецификации, редовно оддржување/ прилагодување и гаранција. Вашиот прирачник има информации за притисокот на пневматиците, видот на гориво, проверката и менувањето на маслото, прилагодување на суспензијата и уште многу други информации. Доколку е можно, чувајте го упатството во мотоциклот. Исто така добра идеја е да купите и прирачник конкретно за вашиот модел. 

 

 

comments

Би можело да ве интересира

Сите сме биле сведоци на нешто вакво, корисници на интерет форум или на Facebook имаат расправија за тоа чиј мотоцикл е подобар или кој возач е побрз. Нормално, дискусијата останува во виртуелниот свет, но двајца возачи од Филипините одлучија да го решат проблемот на улична трка.

Одговорено од страна на Алекс Бригс – Ози кој работи за Валентино Роси во тимот на Yamaha MotoGP.

Lifan, кој е најголемиот производител на мотоцикли во Кина и еден од најголемите во светот, повторно ќе влезе на пазарот во САД во 2017 година со неколку модели.

Во организација на МК Ноќни Волци, а со поддршка од Мотоциклистичката федерација на Македонија на патеката Милци крај Гевгелија, викендов се одржа последната трка од отворениот Шампионат на Македонија во мотокрос.

MotoGP шампионот Марк Маркез им се приклучи на останатите победници на церемонијата која се оддржа во Берлин.

На мото шоуто кое се оддржува оваа недела во Велика Британија Triumph ќе претстави пет нови мотоцикли меѓу кои и спцијалната едиција Tiger 800 XCx.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!