06
Вто, Дек
7 нови содржини
Интервјуа

Интервју: Дејан Силјановски

thumb_dejan_siljanoskiМагистар Дејан Силјановски е првиот претседател на Мотоциклистичката Федерација на Македонија. Оставката од својата функција ја поднесе пред два дена, а кога минатата недела дознавме за промената која следи уште повеќе посакавме да ја слушнеме неговата приказна.

Следете нè на:

 

Дејан Силјановски, првиот претседател на МФМ

Магистар Дејан Силјановски е првиот претседател на Мотоциклистичката Федерација на Македонија. Оставката од својата функција ја поднесе пред два дена, а кога минатата недела дознавме за промената која следи уште повеќе посакавме да ја слушнеме неговата приказна. Во продолжение одговорите од г-дин Силјановски на нашите прашања:

-За неупатените, кој е Дејан Силјановски, од кога возиш мотор?

Почнав уште како основец, но ништо сериозно, се се сведуваше на малиот ПУХ на мојот дедо. Потоа морав да се посветам на други работи (образование во странство итн) се до пред 5-6 години, кога од пријател, купив Intruder  800, од ’96 година. Нормално, комплетно го custom-изирав и за почеток беше во ред. Потоа во 2007 година по долги консултации на интернет, разни форуми, пријатели, моторџии се одлучив за Kawasaki Vulcan 1600 Classic tourer - црн, доволно голем мотор за мене. Во меѓувреме бев член на Мото Скопје, се до првото мое FIM Rally, кога преминав во клубот Moonriders, каде сум и до ден денес.


-Како дојде до тоа ти да станеш претседател на МФМ?

Сосема случајно, бев еден од неколкуте кандидати, но не прв, кои за жал не се појавија на оснивачкото Собрание така на самиот состанок бев единствениот кандидат. И тоа не беше воопшто лошо за МФМ, особено на почетокот, кога сеуште постеа поделби и обиди за паралелизам, до добивањето на Решение за дејност спорт. Најмногу помогна и мојата претходна работа во Агенцијата за млади и спорт и мојот личен однос и почит со поранешните колеги од АМС.


- Што се случува во моментов со федерацијата?

МФМ продолжува да функционира, без разлика на тешката финансиска состојба на спортот. Календарот за 2011 е направен, предложени се активности до клубовите, добиени се номинации за организатори од нивна страна, имаме и меѓународни настани за ова година.


- Дали ти како моторџија си задоволен од работата на федерацијата?

Јас би го поставил обратно прашањето - што моторџиите направиле за МФМ?

Календарот за активности е отворен за секој што има барем идеа што сака да направи. Позитивни критики се оние што предлагаат решение на проблемите кои ги детектирале. Само критиката сама по себе без нудење на решение е деструктивно однесување и ништо повеќе.


- Што мислиш дека треба да се промени за да може МФМ да работи онака како што треба?

Ќе ви одговорам со прашање - а што не е како што треба? Само со аргументирана критика и понудено решение може да се дебатира.


- Како се снаоѓате со финансии?

Финансиски МФМ има неколку лични спонзорства од членови на раководството, АМС со годишните финансии за меѓународни настани (100.000 мкд годишно), членарина, од оние кои се заинтересирани да ја платат, ОКТА со 150.000 мкд. за 2011, иако имавме договор за 300.000 мкд.


- Каква е соработката со Агенцијата за Млади и Спорт?

Соработката со АМС секојпат професионална, би можела да е почеста.


- Дали постојат контакти или некаква соработка со АМСМ?

Со АМСМ имаме одлични односи, но нема некоја конкретна соработка, што е нормално, со оглед на раликата во дејноста.


- Клубовите кои организираат трки се противат на котизацијата која ја плаќаат на МФМ бидејќи целиот трошок е на нивни грб, а за возврат добиваат малку. Како е решен овој проблем во соседството и што може МФМ да направи во однос на ова со цел да се нормализираат шампионатите
во сите класи?

Кој клуб платил котизација за организација на трка?


- Дали навистина го тужите Сашо Николов - Тумац?

Да - иако сметам дека е пријателски спор, кој може да се разреши.


- Колку се издржани обвинувањата дека МФМ инвестира само во мотокрос/ендуро натпреварите, а брзинските и трките со скутери се оставени на страна?

Не држат таквите обвинувања, вратите се отворени за сите ентузијасти, повелете дојдете и зафатете се за работа.


- Кој е виновен за минатогодишното откажување на Ендуро трката во Маврово и дали МФМ се соочи со казна?

Нема казни за МФМ, беше прифатена фактичката состојба, т.е. егоцентризмот на некои луѓе од националниот парк Маврово е вината за неодржување.


- Каков е планот за годинешново Рели Македонија?

Утврдени се датите, останува да се состави организациониот одбор.

 

- Зошто не се одржа годишно доделување на награди во 2010? (*Прашањето е поставено пред да се објави дека ќе се одржи годишно доделување на наградите)

Ќе се одржи/се одржа на 26 февруари во Борис Трајковски.


- Има ли надеж дека ќе се изгради нормална патека за брзински
мотоциклизам во Македонија?

Мислам НЕ во скоро време.


- Колку клубови се членки на МФМ?

Официјално со право на глас 15.


- Каква е твојата визија за МФМ?

Поднесувам/поднесов оставка! Мојата визија е нерелевантна.


- За крај?

Му посакувам успех на новиот претседател Ленин Јовановски.

comments

Би можело да ве интересира

Валентино Роси во голем стил ја заокружи сезоната 2016 откако успеа да ја одбрани титулата на релито во Монца. На крајот тој заврши со предност поголема од 20 секунди пред  возачот на Хјундаи, Дани Сордо.

Дакар 2017 ќе биде најтешката трка досега бидејќи возачите ќе мора да искачат висина од 4000 метри.

Последниот мотоцикл кој ни доаѓа од „Faster Sons“ е Yamaha SCR950, мотоцикл кој е изработен од страна на Џеф Палхеги, изработувач на мотоцикли кој во изминативе 20 години има изработено повеќе од 70 мотоцикли.

Bold Films, продуцентите на хит филмовите Drive и Whiplash, потврдија дека ќе бидат дел од продукцијата на филмот за  Isle of Man TT. Сценариото и режијата ќе биде на Бен Јангер, кој и самиот е поранешен професионален возач.

Свесни сме за некои чудни закони ширум светот кои можеби потекнуваат од некое друго време, како на пример, возачите на такси во Лондон да мораат секогаш со себе да носат сено. Изгледа дека има и некои специфични мото закони кои во 2016 година изгледаат помалку чудно. Неколку од нив можете да прочитате подолу.

„Турбото е дел од нашите планови за во иднина“ – Тошихиро Сузуки, Претседател и извршен директор на Suzuki

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!