24
Вто, Јан
WSBK

WSBK: Победата на Сајкс и откажувањето на Реа го прави шампионатот неизвесен

Викендов на патеката Лагуна Сека во САД се одржа деветтата рунда од Супербајк шампионатот, а по двете трки борбата за врвот станува по интересна.

Следете нè на:

 

Мотул Супербајк шампионатот полека со доближува до завршната фаза. Викендов се возеше деветтата од вкупно 13 рунди, секоја со по две трки. Легендарната патека Лагуна Сека во САД беше домаќин на возбудливи трки, кои ни ја донесоа осмата 1-2 победа за Кавасаки во првата трка како и подиум за домашниот возач Ники Хејден.

10546 r9 action full

Првата трка во саботата му донесе двојна победа на Зелениот тим. Осми пат во сезоната го видовме дуото на Кавасаки на првото и второт место на подиумот. За време на трката двајцата возачи се менуваа на водечката позиција, за на крајот, откако Џоната Реа го помина својот клубски колега Том Сајкс, да го зголеми темпото и да дојде до нова победа, прва за него на Лагуна Сека. На третата позиција заврши Ники Хејден откако буквално во последниот свиок го помина својот клубски колега Михаел ван дер Марк кој направи грешка и остана без подиум од САД.

52329 r9 ambience full

Втората трка започна со црвено знаме заради Павел Скопек кој падна во свиокот број 6, веднаш по рестартот на трката Џонатан Реа се обиде да направи разлика и да дојде до втората победа во викендот, но по само 5 круга излета надвор од патеката. Тој успеа да се врати назад на 10-та позиција, но за жал по само половина круг мораше да ја прекине трката заради технички проблеми со моторот по неговиет излет надвор од патеката.

Во генералниот пласман водечки сеуште е Џонатан Реа со 368 поени, кои се достижни во останатите 8 трки за Том Сајкс кој на втората позиција сега има 322 поени. Третопласиран во шампионатот исто така е Британец, Чаз Дејвис на Дукати кој до сега освои 260 поени. Следува летната пауза за Motul World Superbike шампионатот, а трките продолжуваат во Германија на 16-18 септември.

comments

Би можело да ве интересира

MotoGP екипата на Дукати го претстави својот тим за сезоната 2017.

ФИМ и Дорна денеска го потврдија календарот на МотоГП трки за 2017 година.

Еден од најпознатите тркачи на јавните патишта, Гај Мартин, реши да се врати на натпреварувањето откако потпиша договор со Honda Racing. Мартин ќе му се придружи на Џон Мекгинис и заедно ќе се натпреваруваат на North West 200 и Isle of Man TT. И двајцата возачи ќе настапат со Honda CBR1000RR SP2.

Италијанската компанија оствари соработка со Diesel, за да создадат лимитирана верзија на Diavel кој сигурно ќе им се допадне на сите љубители на Mad Max или на Bioshock.

Ја имавме првата можност да ги видиме Валентино Роси и Маверик Вињалес во новите униформи и за прв пат можевме да ја видиме Yamaha YZR-M1.

Во канцеларијата на Американското регулаторно тело во моментов се разгледува опцијата за воведување на 100% данок на увоз за Европските мотоцикли кои се со зафатнина од 50 до 500cc.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!