WSBK

WSBK: Победа за Лаверти и Сузуки на првата трка

Јуџин Лаверти ја обезбеди првата победа во новата сезона за тимот на Сузуки, на првата трка од рундата која се возеше денеска на патеката Филип Ајленд во Австралија.

Следете нè на:

 

58 lavertyaction dg1 6761 0 fullПобеда за Јуџин Лаверти на првата трка од сезоната

Јуџин Лаверти ја обезбеди првата победа во новата сезона за тимот на Сузуки, на првата трка од рундата која се возеше денеска на патеката Филип Ајленд во Австралија.

Фантастичната победа за Лаверти дојде благодарение на новиот GSX-R кој покажа дека ќе може да се носи рамо до рамо со Априлија, Дукати и Кавасаки. Лаверти имаше успешен старт на трката ако се земе во предвид дека стартуваше од четвртата позиција. Прекрасното време на патеката во Австралија ни овозможи да следиме навистина возбудлива трка, во која на крајот возачот на Сузуки се покажа како нај умешен.

Вториот возач на Сузуки, новајлијата во Супербајк шампионатот Алекс Ловс за жал не ја заврши трката иако беше на добар пат да донесе бодови за тимот. Да потсетиме дека Сузуки последен пат освои титула во овој шампионат пред цели 9 години, но како што стојат работите оваа сезона тоа може да се промени.

Априлија имаше успешен настап на првата трка со освојување на второто и третото место, од кои Марко Меландри успеа да грабне 20 бодови и да застане на второто место на пиедесталот, пред неговиот клубски колега Силвијан Гинтоли.

Гинтоли стартуваше од првата позиција и имаше предност во голем дел од трката, но Лаверти му ја одзема победата на 6 круга до крајот, за во последниот круг и Марко Меландри да го помине и на крајот да се задоволи само со третата позиција.

Четвртото место му припадна на Давиде Џулијано кој прикажа одлично возење за тимот на Дукати, а она што не успеавме да го видиме е добро возење на актуелниот шампион Том Сајкс кој финишираше на седмото место. Кавасаки дојде до бодови и благодарение на петтото место на Лорис Баз, а нив двајца ги раздвои Џонатан Реа на шестата позиција.

Без пласман на првата трка завршија и Тони Елиас, Леон Хаслам, Алекс Ловс и Андреоци.

Резултати од првата трка

ПозБр.ВозачМоторНајбрз кругРазлика
1 58 E. LAVERTY Suzuki GSX-R1000 1'30.969  
2 33 M. MELANDRI Aprilia RSV4 Factory 1'30.968 2.959
3 50 S. GUINTOLI Aprilia RSV4 Factory 1'31.091 3.034
4 34 D. GIUGLIANO Ducati 1199 Panigale R 1'30.990 6.972
5 76 L. BAZ Kawasaki ZX-10R 1'31.191 11.132
6 65 J. REA Honda CBR1000RR 1'31.269 11.718
7 1 T. SYKES Kawasaki ZX-10R 1'31.307 15.612
8 7 C. DAVIES Ducati 1199 Panigale R 1'30.949 25.724
9 44 D. SALOM Kawasaki ZX-10R EVO 1'32.807 37.407
10 59 N. CANEPA Ducati 1199 Panigale R EVO 1'32.251 37.468
11 14 G. ALLERTON BMW S1000 RR EVO 1'32.892 39.271
12 9 F. FORET Kawasaki ZX-10R EVO 1'32.980 45.212
13 71 C. CORTI MV Agusta F4 RR 1'33.154 50.249
14 11 J. GUARNONI Kawasaki ZX-10R EVO 1'33.695 1'17.134
15 32 S. MORAIS Kawasaki ZX-10R EVO 1'33.486 1'23.686
16 10 I. TOTH BMW S1000 RR 1'34.664 1'30.651
17 20 A. YATES EBR 1190 RX 1'35.830 1 круг
RET 21 A. ANDREOZZI Kawasaki ZX-10R EVO 1'33.723 8 круга
RET 91 L. HASLAM Honda CBR1000RR 1'31.566 18 круга
RET 22 A. LOWES Suzuki GSX-R1000 1'31.082 19 круга
RET 24 T. ELIAS Aprilia RSV4 Factory 1'32.032 19 круга

 

 

comments

Би можело да ве интересира

Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј.

Се огласи и производителот на сопирачките Брембо заради кој Априлија и Дукати најавија повлекување и бесплатна замена на главниот кочионен цилиндер кај поновите модели.

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Со оглед на тоа дека се влошува временската состојба, беше донесена одлука да се одложи деветата етапа, а тимовите да се префрлат во следниот камп кој се наоѓа во Салта, Аргентина.

Сем Сандерленд заздравува од повредата поради која мораше да се повлече од релито Дакар и веќе во текот на денешниот ден се очекува да се врати во Европа.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!