24
Саб, Јун
WSBK

WSBK: Неприкосновениот Џонатан Реа

Во премиерната класа од Светскиот Супербајк Шампионат, Џонатан Реа не само што ја освои само првата титула во 2015 година, тој буквално доминираше во текот на целата сезона. Тој влезе во историјата на неколку начини, но најпрепознатливо е по тоа што стана првиот победник кој потекнува од Северна Ирска и првиот кој им ја донесе шампионската титула на Kawaski во делот на конструктори.

Следете нè на:

 

Кој е Џонатан Реа?

Тој е роден во Балимена, Северна Ирска, пред 28 години. Негова прва целосна сезона во Светскиот Супербајк Шампионат беше во 2009 година. Од тогаш па се до 2014 година тој постигна 14 победи. Сезоната 2015 беше нешто сосема различно. 14-те остварени победи само во една сезона ја покажуваат неговата доминација. Ова му беше прва сезона со Kawasaki Ninja ZX-10R. Претходно, седум сезони возеше во Honda.

Како ја освои титулата во 2015 година?

Со неверојатна експлозија на талент и со возење на највисоко ниво. Во првите шеснаесет трки, тој завршуваше на прво или второ место. На подиумот не се најде само на три трки. Два пати заврши на четвртото место во Херез, можеби звучи иронично но таму ја освои титулата, и на последната трка во Катар каде што имаше проблем со моторот.  Разликата што ја направи со второпласираниот изнесуваше неверојатни 132 поени.

johnatan rea 15 1Џонатан Реа

Што ќе прави следната година?

Ако не е расипано, не го поправај. Реа ќе продолжи да вози за истиот тим, опкружен со професионалците од Principal Guim Roda и Chief Pere Riba: два одлучувачки фактори за успехот што го постигна во 2015 година. Целта на Реа е да биде првиот возач кој успеал да ја одбранил титулата во новиот милениум (последниот на кој му успеа тоа беше неговиот британски сонароднк, Карл Фогерти во 1998 и 1999 година.)

Дали знаевте?

Надвор од патеката, Реа е фамилијарен човек. Целата негова кариера како возач е поттикната од неговиот татко, Џони, кој беше докажан возач и победник на Isle of Man TT. Оженет за Татиа која е порасната на Филип Ајленд, двајцата се горди родители на Џејк и Тајлер. Всушност Реа го пропушти првиот тест со новиот мотоцикл на патеката во Арагон бидејќи присуствуваше на раѓањето на неговиот син Тајлер.  И покрај тоа, тој успеа да постигне најдобро извозено време на последниот собир во Херез.

comments

Би можело да ве интересира

Викендов на програмата е 8-та трка од МотоГП шампионатот која ќе се вози на патеката Асен во Холандија.

„Викендот во Каталуња, вклучувајќи го и тестот беше навистина големо искуство за мене. Сакам да го искористам знаењето кое го стекнав за да остварам што е можно подобар резултат“ – Јохан Зарко.

„Секако дека временските услови секогаш се непредвидливи и прават работите да се менуваат многу брзо. Затоа мораме да бидеме подготвени да се адаптираме исто како што направивме минатата сезона и во 2014 година“ – Марк Маркез

Откако на големо изненадување, прилично рано беше објавен календарот за следната сезона во Формула 1, се поставува прашањето како тоа ќе влијае на MotoGP календарот за следната сезона.

Германецот кој настапува за тимот Tech 3 Yamaha се најде пред двајцата фабрички возачи, како на двете сесии така и на трката. Тимот на Ерв Поншарал ја продолжи серијата на импресивни настапи.

Motul повторно е официјален лубрикант на трофејот Isle of Man. Од 5-ти до 9-ти јуни, три тима со техничка поддрша од страна на Француската компанија остварија победи на трката која постои од 1911 година.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!