После четири дена поминати на новата Honda Fireblade, Ники Хејдн, покажа мала несигурност но тоа сигурно нема да го разочара Американецот.

Возачот кој има одлична работна етика сигурно нема така лесно да се откаже. Но после проблематичниот прв тест, работите тргнаа во погрешен правец за Холандскиот тим.

„Првиот ден не беше воопшто добар за нас,“ призна Хејдн. „Навистина не можам ништо подобро да кажам. Се мачевме со мотоциклот и тој не беше воопшто стабилен при излегувањето од свиоци. “

„Некои од проблемите што ги имавме во Херез се тука а можеби и се зголемени. Мотоциклот премногу се лизга при влегување во свиоците и поради тоа го губите правецот. “

„Да бидам искрен, ова беа фрустрирачки неколку денови за мене. Но ова не е прв пат да имам ваков тест во животот и ќе работиме да го решиме проблемот. “

Една од позитивните работи на тестот е фактот дека Хејдн успеа да го заврши целиот до крај без да има никакви проблеми, бидејќи во декември минатата година тој мораше да оди на операција на коленото.

Возачот од Кентаки се уште не е целосно подготвен но очекува дека ќе биде во врвна форма за првата трка од сезоната која ќе се вози на островот Филип.

„Во моментов не знам што можам да очекувам на островот Филип. Тимот ќе продолжи да собира податоци за патеката а потоа ќе видиме што ќе се случи. Не сакам да правам никакви предвидувања, но нема да се откажам предвреме.“

Како надополнување, тимот на патеката во Портимао донесе голем број на додатоци за моторот но сепак настапи со мотоцикл кој на себе имаше поголем дел од деловите на моделот за сезоната 2016.