24
Сре, Мај
WSBK

WSBK: Кој ќе биде новиот шампион, Сајкс или Гинтоли?

Супербајк сезоната дојде до својот крај, пред последната рунда која викендов се вози во Катар сè се сведе на ова: две трки, двајца возачи, два тима и една титула на дофат.

Следете нè на:

 

sajks-polТом Сајкс има предност во генералниот пласман но нема да му биде лесно да ја одбрани титулата

Супербајк сезоната дојде до својот крај, пред последната рунда која викендов се вози во Катар сè се сведе на ова: две трки, двајца возачи, два тима и една титула на дофат.

Патеката Лосаил во Катар за прв пат под светлата на рефлекторите ќе биде домаќин на возачите од Светскиот Супербајк шампионат. Том Сајкс и Силвијан Гинтоли имаат две трки со по 17 круга да ја решат завршницата на шампионатот, едниот актуелен Светски шампион, другиот на само 12 бода зад него.

Сајкс имаше поголема предност во генералниот пласман но трките на Мањи-кур во Франција му овозможија на Гинтоли да се доближи доволно со бодовите за да следиме возбудлива финална рунда. Во однос на трката во недела, Сајкс има предност и заради тоа што се работи за патека на која веќе има возено.

„Со нетрпение ја очекувам трката на Лосаил, тоа е патека на која веќе се имам тркано, а бев тука и за презентацијата на новата Нинџа. Возев под светлината на рефлекторите и можам да кажам само дека е целосно различно искуство од она на што сме навикнати. Самата патека е одлична, поставеноста на свиоците овозможува во целост да се искористи потенцијалот на Супербајк моторите. Со нетрпение очекувам во петок да започнат сесиите. Знам дека влогот е голем и дека нема простор за грешка, но едноставно сакам да излезам на патеката и да го правам она што го знам најдобро. Ова е трета година по ред во која се бориме за титулата, па останува на тоа да се покажеме најдобро што можеме на денот на трките.“ - изјави Сајкс

Силвијан Гинтоли исто така има возено на Лосаил, последен пат на трка во 2010 (8 часа Доха) па и нему нема да му биде непозната патеката.

„Иако немам возено во Катар од 2010 сигурен сум дека патеката одлично ќе се покаже за RSV4, многу сум возбуден пред викендот кој следи и ќе се потрудам да останам максимално фокусиран на целта. Работевме напорно за ова, од Лагуна Сека до сега успеавме да ја намалиме разликата од 44 на само 12 бода, Сајкс одлично се брани но сега сме навистина блиску.“ - изјави Гинтоли.

Трката во Франција беше по многу работи контроверзна, пред се заради тимските наредби по кои Марко Меландри го пропушти Гинтоли во првата трка, но потоа одби да го стори истото во втората. Во разговорот со Меландри тој вели дека се надева на титулата во конструктори, но не го спомнува неговиот клубски колега:

„Многу сум среќен што ќе возам во Катар ноќе, патеката е одлична и ќе можам да го искористам максимумот од мојата Aprilia RSV4. Се надевам дека ќе продолжам со добрите резултати и ќе помогнам Априлија да ја добие титулата во конструктори.“

Трките се возат во недела со пренос на ЕуроСпорт каналот, првата со почеток во 17 часот, а втората со почеток во 20 часот по наше време.

 

comments

Би можело да ве интересира

Викендов на патеката Аданката во Романија се возеа шестата и седмата трка од БМУ Европскиот шампионат во брзински мотоциклизам.

Поглед кон исклучителната кариера на поранешниот MotoGP шампион

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Оф роуд мотоциклите ќе бидат забранети во некои делови од Дубаи со цел да се намали асоцијалното однесување.

Фабричкиот тим на Red Bull KTM, само што објави дека нивниот професионален возач, Рајан Данџи, одлучил да се повлече од натпреварувањето. Објавата следува кратко откако тој ја освои својата трета последователна титула во AMA 540SX шампионатот, притоа возејќи со фабричката верзија на 450 SX-F.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!