WSBK

WSBK: Истанбул парк наместо Силверстоун?

Според германскиот веб сајт Speedweek.de наместо Супербајк трките кои требаше да се одржат од 2-4 август на патеката Силверстоун во Англија, ќе имаме можност да следиме трки на Истанбул Парк во Турција.

Следете нè на:

 

silverstoneТешки облаци надвиснуваат над Силверстоун, дали се наѕира крајот на легендарната патека?

Според германскиот веб сајт Speedweek.de наместо Супербајк трките кои требаше да се одржат од 2-4 август на патеката Силверстоун во Англија, ќе имаме можност да следиме трки на Истанбул Парк во Турција.

Веб сајтот како причина за ова ги наведува финансиските проблеми со кои се соочува патеката во Англија, а од друга страна Истанбул Парк има нов сопственик кој се обидува да го врати сјајот на турската патека. Новиот сопственик се труди да ја стави Истанбул Парк и во календарот на МотоГП, а Супербајк трка би била одличен почеток за тоа. Заради овие промени годинава нема да имаме прилика да следиме трки и од Источно-Европскиот шампионат кој минатата година се возеше на одличната патека.

Ова не е единствената промена во Супербајк шампионатот кој започнува утре со трките на Филип Ајленд. Рундата која требаше да се вози на 23 јуни, а за која требаше дополнително да се утврди локацијата, има проблеми со патеката во Австрија па неизвесно е дали и каде ќе се одржи. Од друга страна втората проблематична патека, онаа во Индија, конечно доби зелено светло да се вози во ноември.

Шпекулациите за промената на Силверстоун ги започна британската компанија „Benetts“ која е и спонзор во Супербајк шампионатот, а која објави дека наместо Силверстоун во 2014 ќе се вози Истанбул Парк, но промената е можна и оваа година. 

Официјалните лица не ја негираат можноста, но најавија конечна разврска во текот на следната недела. Доколку се одлучи трката да се вози на Истанбул Парк, ќе биде тоа одлична можност за македонските моторџии да присуствуваат на спектакуларните трки.

 

Би можело да ве интересира

Викендов на патеката Мотеги во Јапонија ќе се одржи 16-та трка од МотоГП шампионатот.

На наш колега моторџија му е потребна помош, да се покажеме во вистинско светло во недела!

Викендов на патеката Орман во Скопје се вози третата и последна трка од шампионатот на Македонија во мотокрос.

Фантастична борба за победата ја одбележа првата трка за ГН на Тајланд која му припадна на Марк Маркез.

Слободно можеме да кажеме дека новите модели кои ги прикажа Ducati за време на Intermot беа помалку резервирани.

За време на изложбите во Париз и Intermot, Honda го претстави новиот Super Cub C125 кој се очекува да се најде на пазарот оваа есен.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.