WSBK

WSBK Холандија: Двојна победа за Реа на патеката во Асен

Џонатан Реа е пресреќен што успеа да ја продолжи доминацијата во Светскиот Супербајк шампионат.

Следете нè на:

 

Џонатан Реа е пресреќен што успеа да ја продолжи доминацијата во Светскиот Супербајк шампионат откако ја оствари својата трета двојна победа во сезоната.

Актуелниот шампион во втората трка успеа да му избега на својот тимски колега Том Сајкс за само 0.025 секунди и ја оствари својата седма победа по ред на легендарната патека во Холандија.

C qOdWcW0AAqrbZ

Реа, кој имаше најбрз круг на две трки, мораше да стартува од вториот ред поради казната која ја доби заради тоа што го блокираше Чез Дејвис на квалификациите. Реа не стигна лесно до победата и мораше да се бори за неа откако беше турнат надвор од патеката кај свиокот број 11.

„Трката може да се подели на два дела,“ изјави Реа. „Во првата половина притискав силно се додека не добив опомена, а во вториот дел се обидов да возам безбедно и да стигнам до целта. Денес најголемиот проблем беше ветерот. Правев разлика но тогаш се лизнав на свиокот 11. Тогаш се решив да возам малку побезбедно и да притиснам во последните неколку кругови.  На истото место имав проблеми и на крајот на трката. Можеби не влегов најдобро во последниот свиок но успеав да се заштитам и на крајот ја минав целната линија.“

PA2141793.0008  

„Ова беше неверојатен викенд. Задоволен сум од времето кое го постигнав вчера бидејќи тоа ми е најдобро во кариерата. Горд сум поради тоа.“

После четири трки, Реа има предност од 64 поени пред неговиот најблизок ривал, Том Сајкс. Ова за него беше 200-ти настап во шампионатот и досега има постигнато 45 победи од кои 11 на патеката во Асен. Рекордер по бројот на победи на оваа патека е Карл Фогерти со 12 победи.

Ова за Реа исто така беше и 12-та двојна победа.

Доказ за неговата доминација оваа сезона е фактот дека тој досега загуби само 5 поени.

comments

Би можело да ве интересира

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Со оглед на тоа дека се влошува временската состојба, беше донесена одлука да се одложи деветата етапа, а тимовите да се префрлат во следниот камп кој се наоѓа во Салта, Аргентина.

Сем Сандерленд заздравува од повредата поради која мораше да се повлече од релито Дакар и веќе во текот на денешниот ден се очекува да се врати во Европа.

Корпорацијата Honda Racing објави дека Алберто Пуиг ќе биде назначен за нов тимски менаџер на тимот Repsol Honda. Тој ќе стартува со извршување на новата функција започнувајќи од првиот MotoGP тест од сезоната кој ќе се оддржи од 28-30 јануари на патеката во Малезија.

Како што одминуваат деновите од релито Дакар, се чини дека победата која ја постигна Жоан Бареда на петтата етапа ќе биде од голема важност.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!