WSBK

WSBK: Дво-дневните тестови го одбележаа враќањето во Брно

Уште од 2012 година, патеката во Брно не го слушнала звукот на машините од Светскиот Супербајк шампионат. Но сето тоа се смени во средата откако шест тимови кои се дел од серијата одлучија да имаат дводневни тестови на патеката.

Следете нè на:

 

Aruba Ducati одлучи да ја изнајми легендарната патека за средата и четвртокот и ја подели со Kawasaki, Yamaha, Barni, Orelac и Triple-M. Последен пат една трка од шампионатот на оваа патека се оддржа во 2012 година но нова трка тука ќе се оддржи во јуни.

Оние кои беа присутни на патеката се обидоа максимано да ги искористат временските услови во средата бидејќи имаше најава за дожд. А тоа значеше интензивен распоред исполнет со многу кругови. Патеката беше отворена од 9 до 13 часот, а потоа и од 14 до 18 часот. Температурата се движеше од 20 до 25 степени.

BrnoCircuit

Бидејќи е кусо времето помеѓу трките во Арагон и Асен, тестот во Брно е одлична можност за тимовите да се фокусираат на подобрувањето на мотоциклите: сите тимови, освен Ducati, во било кој дел од сезоната имаат можност да направат промена поради малкуте места на подиумот кои ги имаат освоено. Но од трката во Имола па се до трката во Донингтон тимовите нема да можат да прават никакви промени.

Бидејќи ова не е тест кој е организиран од страна на Dorna, не беа соопштени официјалните времиња кои беа постигнати.

Во тимот на Ducati, Чез Дејзис обрна внимание на проблемот со вибрациите на задниот дел од мотоциклот додека пак неговиот тимски колега Марко Меландри беше решен да ја подобри стабилноста на мотоциклот, нешто што му создаваше проблеми во досегашниот дел од сезоната.

Кај Yahama, Алекс Ловс и Михаел ван дер Марк извозеа 88 односно 95 кругови и во тој период се обидоа да ги оценат некои од основните делови како и некои од новите компоненти на суспензијата. Ловс изјави дека посебно внимание обрнал на шасијата додека пак ван дер Марк изјави дека очекувал патеката да биде порамна.

Механичарите на Леандро Мерцадо работеа до доцна во ноќта поради падот на Аргентинецот на втората трка во Асен. Тестовите во Брно ги искористија за да испробаат различна електроника и шасија и велат дека се задоволни од напредокот.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!