WSBK

Што научивме по првата рунда во Супербајк шампионатот?

Заврши првата рунда во Супербајк шампионатот, што научивме по стартот на новата сезона?

Следете нè на:

 

Нов распоред: Во сезоната 2018 ќе има три слободни тренинзи во петокот пред оддржувањето на трката. Во минатото, доколку некој возач излеташе од патеката или пак имаше технички проблем во петокот, тоа сериозно влијаеше на неговиот настап на самата трка. Со новиот распоред има три сесии кои се долги по околу 40 минути. Поради пад кој се случи на вториот слободен тренинг, Алекс Ловс ја пропушти целата тренинг сесија. Иако губењето на времето влијаеше врз резултатот на Англичанецот, сепак добриот настап на третиот слободен тренинг му овозможи да постигне добро време и да се квалификува за Superpole 2. Распоредот исто така ќе им овозможи на возачите попладневнииот дел од петокот за тркачки симулации, нешто што во минатото беше многу тешко да се постигне. 

jonathan rea kawasaki racing team phillip island australia worldsbk

Нови регулации: Пет мотоцикли кои се лидери на трката како и уште неколку изненадувачки резултати би укажало на тоа дека новите правила го даваат посакуваниот резултат. Времето ќе покаже како тоа ќе се одвива во текот на сезоната но од она што го видовме во Австралија, Aprilia, Honda и Yamaha ќе се најдат напред. Се чини дека Kawasaki се соочува со мали проблеми на стартот но патеката Филип Ајленд е посебна и ќе треба да почекаме натпреварувањето да се врати во Европа за да ја видиме целосната слика.

Пневматици: Во Австралија многумина беа загрижени поради пневматиците на Pirelli. Токму поради тоа, директорот на трката нареди задолжително влегување во гаражите. Ова предизвика различни реакции, а некои од возачите сметаа дека биле залудни напорните тренинзи кои ги имале во текот на целата недела. Pirelli во Австралија претстави нови пневматици кои треба рамномерно да ја распоредуваат топлината.

Меландри лидер: За прв пат после пет години Италијански возач се наоѓа на врвот на табелата. Во Австралија, Меландри имаше перфектен викенд. Во саботата внимаваше на пневматиците, а во неделата во последниот круг успеа да го претекне Реа и да стигне до победата. Тој имаше две различни стратегии но крајниот резултат беа 50 поени. Ова беше негова прва двојна победа по 2014 година и ни најави што можеме да очекуваме во 2018.

Неисполнет потенцијал:  За разлика од Меландри, неговиот поранешен тимски колега не беше толку успешен. Ирецот беше полн со самодоверба во текот на целиот викенд но сепак имаше лош настап на трката број 1. Од неговиот тим сепак соопштија дека причините за тоа се различни во споредба со минатата година. Минатата година Aprilia имаше проблеми во текот на целата сезона но сега Лаверти смета дека конечно има мотоцикл кој ќе му овозможи добри резултати.

Се има крај:  За прв пат после три години, Џонатан Реа не е лидер во серијата. Во моментов тој се наоѓа на третото место, зад тимскиот колега Том Сајкс. Рекордот кој го постигна во Австралија укажува на тоа што би можеле да очекуваме од него во текот на сезоната. За прв пат откако му се приклучи на Kawasaki, Реа покажа слабост и ќе треба да видиме како ќе реагира на втората трка. Тој се уште е фаворит за титулата но после долго време и Сајкс е полн со самодоверба.

Би можело да ве интересира

Викендов на патеката Мотеги во Јапонија ќе се одржи 16-та трка од МотоГП шампионатот.

На наш колега моторџија му е потребна помош, да се покажеме во вистинско светло во недела!

Викендов на патеката Орман во Скопје се вози третата и последна трка од шампионатот на Македонија во мотокрос.

Фантастична борба за победата ја одбележа првата трка за ГН на Тајланд која му припадна на Марк Маркез.

Слободно можеме да кажеме дека новите модели кои ги прикажа Ducati за време на Intermot беа помалку резервирани.

За време на изложбите во Париз и Intermot, Honda го претстави новиот Super Cub C125 кој се очекува да се најде на пазарот оваа есен.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.