WSBK

Сајкс остана најдобар на тестот во Херез

Времето кое го постигна Сајкс од 1:39.924, беше најбрзото во денот но и воопшто на целото тестирање.

Следете нè на:

 

Светскиот Супербајк Шампион за сезоната 2013, Том Сајкс остана најбрз и на вториот и последен ден од тестирањето во Херез. Давиде Џулијано заврши на второто место со заостанување од само една десетинка, а на третото место беше Дејвис. На четвртото место се најде Ники Хејдн кој оваа сезона ќе вози за Honda.

01test wsbk test xxxx jrb 2632 fullТом Сајкс со најдобар резултат во Херез

Условите на патеката претпладнето беа лоши, но попладне тие се подобрија и повеќето возачи успеаа да ги подобрат своите времиња. Времето кое го постигна Сајкс од 1:39.924, беше најбрзото денеска и воопшто на целото тестирање.  Џулијано и Дејвис беа единствените двајца возачи кои успеаа да му се приближат. Џулијано доживеа и мала незгода но за среќа остана неповреден.    

Дуото на Honda, Ники Хејдн и Мајкл Ван Дер Марк исто така го подобрија своето време и тоа за една секунда. Хејдн заврши на четвртото место, а неговиот тимски колега беше петти.

Возачот на Barni Racing, Чави Форес имаше импресивно возење и поголем дел од времето се наоѓаше во близина на врвот. Времето кое го постигна од 1:40.761 му го донесе шестото место.

01test wsbk test xxxx jrb 1158 fullНики Хејден на првото тестирање забележа 4-то време

Расположението кај Kawasaki остана на високо ниво после дводневното тестирање во Херез. Нивниот возач Сајкс и двата дена постигна најдобро време. Актуелниот шампион Реа и понатаму е убеден дека неговиот нов мотоцикл ќе биде најбрз со тек на време. Тој заврши на седмото место, а веднаш зад него се најдоа возачите на Pata Yamaha, Силвиан Гинтоли и Алекс Ловс. Австралиецот Џош Брукс заврши на десетото место. Британскиот Супербајк Шампион значително го подобри своето возење за разлика од вчера.

Најбрзиот WorldSSP возач повторно беше актуелниот шампион Софуоглу, а неговиот нов тимски колега Круменахер се уште му е најблизок ривал.

 

comments

Би можело да ве интересира

Без никакво сомневање, Ducati Panigale V4 супербајк е најинтересниот мотоцикл објавен оваа година. Ова не е само наше мислење бидејќи тој беше официјално прогласен за крал на EICMA шоуто.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Motul презентираше ново масло наменето за тркање, 300V²  10W-50, на најголемото мото шоу кое се одржа во Милано, EICMA.

Изненадување од MotoGP гаражите откако беше објавено дека Ливио Супо си дал оставка од Honda Racing Corporation (HRC).

Vespa Elettrica која беше најавена на EICMA е електричен скутер со кој ќе можете да поминете 100 километри со едно полнење на батеријата.

Offroad.mk со коментар за трката која се одржа крај Стенковец, дали 2' Оф Роуд Шоу Скопје 2017 навистина беше „успешна“ организација?

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!