23
Саб, Сеп
WSBK

Honda е подготвена за новата сезона во Светскиот Супербајк шампионат

Honda е подготвена за новата сезона во Светскиот Супербајк и Суперспорт шампионат која започнува денеска на Филип Ајленд, Австралија.

Следете нè на:

 

Ова ќе биде првата од четиринаесетте трки ширум светот кои се распоредени од февруари до октомври. И оваа сезона возачите на Honda ќе се борат за највисок пласман.

Американецот Ники Хејдн и Холанѓанецот Михаел ван дер Марк во Супербајк категоријата ќе настапуваат на Honda CBR1000RR Fireblade SP. Во текот на зимата, мотоциклот доживеа неколку промени меѓу кој и нови спецификации на моторот како и променета шасија и електроника.

hejden vandermarkХејден и Ван дер Марк се подготвени за почетокот на сезоната

На поранешните светски шампиони Хејдн и Михаел ќе им се придружи и П.Ј. Јакобсен, кој минатата година го освои второто место во Светскиот Суперспорт шампионат. 22 годишниот Американец повторно ќе настапува на CBR600RR, а целта ќе му биде да ја освои десетата титула во средната категорија со Honda и Холандската компанија Ten Kate Racing.

Honda и Ten Kate повторно ќе соработуваат и ќе го продолжат успешното партнерството. Во изминативе четиринаесет години во двете класи, тие заедно освоија десет титули кај возачите и десет кај производителите.

Ќе започне следната фаза од мојата кариера во Супербајк категоријата. Морам да признаам дека сум многу среќен што сум тука. Исто така благодарен сум за можноста да настапувам за Honda и Ten Kate. Мислам дека се уште можам да бидам компетитивен и тука сум за да го докажам тоа. Ја ценам поддршката од фановите и со нетрпение чекам да почнат трките. Сигурен сум дека сезоната ќе биде добра за сите нас.Ники Хејдн

Среќен сум што повторно ќе настапувам за Honda и Ten Kate. Ова ми е четврта сезона со екипата и искрено можам да кажам дека тие ми се како семејство. Мислам дека ќе имаме уште една добра сезона. Мојата втора сезона во Светскиот Супербајк шампионат ќе ми биде навистина важна. Време е да почнеме и да се бориме за најдобар пласман на секоја трка.Михаел ван дер Марк

 

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!